** Youtube comprado por Google

Hoxe confirmouse o que había tempo que se viña especulando: Google comprou a empresa Youtube, a dos vídeos de internet, onde tod@s podemos colgar e baixar os vídeos de moi diversos temas. É a que utilizo para pór os vídeos de alareiramaxica. ¿Que significa isto? Que co tempo pode ser que Youtube non sexa gratuito, coa conseguinte retirada dos vídeos de alareiramaxica. Hoxe non se pode acceder a Youtube, e, polo tanto, os vídeos non cargan. Seguramente mañán se poida. Non creo que os cambios de Google se deixen notar tan pronto, pero vainos haber. Oxalá que a súa compra por Google non conleve custo económico para tod@s, algo que se antolla bastante difícil. O que é seguro e que incluirán publicidade.....
Por certo, os ata agora 2 donos de Yutube embolsáronse moitísimos millóns pola súa venda. Teñen 29 e 27 anos e crearan Youtube en febreiro de 2005. Está claro nesta vida, por desgracia, "poderoso caballero es don dinero". Outro lema podería ser: "Se non podes co teu competidor, e estás forrado cómprao"....
Unha mala nova para tod@s, porque favorece o monopolio, o que pode conlevar desvantaxas para os usuarios, a pesar de que nos tenten "vender" o contario. Non hai que ser tan inxenuos e deixarnos enganar.