<> Relacións de parella: ¿todo vale? Preguntas clave

Toca reflexionar un pouco en A Lareira Máxica. É un dos obxectivos que agardo conquerir a partir da agora. Toco madeira. Imos alá: onte estiven falando cuns amigos. O café deu para moito e falando xurdiron estas preguntas que vos traslado para que aportedes opinedes.

** ¿Que cualidades valoras máis da túa media laranxa?
** ¿Cales non aceptarías baixo ningunha concepto?

** Enquisa 2007: libro, peli e canción

¿Cal foi o libro, a película e a canción que che gustaron máis do ano 2007?

---

---

ENQUISA PROPOSTA POR: María
Gran Colaboradora de A Lareira Máxica

---

---

** 2ª Fase da canción do verán

N a primeira fase HOUBO UN TOTAL DE 40 VOTOS. NOMEÁRONSE 20 TEMAS E HOUBO UN VOTO QUE NON APOSTABA POR NINGÚN.

Tendo en conta as bases da 1ª Fase, clasífícanse 11 (xa que o hai varios empates a 2 votos, polo que pasan 11 cancións en vez das 10 previstas). A relación dos 11 que pasan á segunda ronda son os seguintes. Lembro que na segunda partirán con 0 votos.

- DANI MATA: "Lamento Boliviano" (tivo 6 votos)
- SHAKIRA: "Las de la intuición" (4 votos)
- SILVIA PADILLA: "Ponte el cinturón" (3 votos)
- MIGUEL BOSÉ CON JULIETA VENEGAS: "Morenamía" (3 votos)
- NELLY FURTADO: ""All good things come to an end" (2 votos)
- MANÁ: "Mandame una señal" (2 votos)
- QUIJANO: "La Magdalena" (2 votos)
- MARTA SÁNCHEZ: "Superstar" (2 votos)
- LA GUARDIA: "Un día redondo" (2 votos)
- EL MENTÓN DE FOGARTY: "Anestésicos Preferidos" (2 votos)
- PASTORA: "Cuanta vida" (2 votos)

A partir de hoxe empeza a segunda fase con estes 11 temas musicais. Clasificaranse os 5 primeiros pasa a gran final. Lembrade que o prazo para votar nesta segunda fase vai do 1 ó 15 de agosto. Apoiade á vosa canción favorita!

ACTUALIZACIÓN 6 DE AGOSTO: O Concurso da canción do Verán queda anulado. Perdoade as molestias. Ler o artigo do día 6 para entender o motivo.

---

ARTIGO ELABORADO POR: Julio
Coordinador de A Lareira Máxica

** Elección da canción do verán 2007 en A.L.M.!!!

C hegou o día D e a hora H, a intriga de A Lareira Máxica resólvese. Ó terceiro día velaquí tedes a solución, de qué vai todo. Imos elixir entre tod@s a canción do verán 2007. Dicir entre tod@s é iso ENTRE TOD@S.

A canción do verán é algo que en moitos lugares se elixe cada ano. En realidade, non son partidario de que so haxa unha canción do verán, porque unha cousa é que unha sexa "a máis escoitada" e outra cousa distinta que sexa a que lle gusta a maioría da xente. Non debemos deixarnos asolagar polo que nos din ou o que nos pretenden impór. Así que, ante todo, quixera sinceridade. Non importa que a canción que vos guste a vós sexa ou non a máis escoitada. O que si me importa e que opine a maior cantidade posible de persoas. Incluso se pode votar a máis de unha. Vai haber 3 fases....

...Ampliar/recoller resto do artigo [ +/- ]

1ª Fase: desde hoxe día 20 ata o 30 de xullo de 2007: Nela todos aqueles que queirades e ás veces que queirades podedes propoñer tódalas cancións que consideredes merecen estar nesta lista de mellores cancións do verán 2007. Tódolos estilos musicais teñen cabida na elección. INSISTO: podedes votar máis dunha vez. A maneira será mediante comentarios. Podedes aportar varias en cada comentario cada un de vós. As 10 máis nomeadas pasarán á seguinte ronda. Nesta fase partirán tódalas cancións con 0 votos.

2ª Fase: do 1 ó 15 de agosto de 2007: Teranse que votar so ás 10 cancións máis propostas na anterior fase. Unha mesma persoa poderá votar as veces que queira polas cancións que máis lle gusten. As 5 maís votadas pasarán á gran final. Nesta fase partirán con 0 votos todas.

3ª Fase: do 17 ó 31 de agosto de 2007: Nela votarase á canción favorita. So un voto por vez. O 1 de setembro proclamarase a canción vencedora.

APUNTAMENTOS:

1- Estas bases poderán modificarse en función da participación das persoas nestas votacións. Corresponde ó coordinador do blog (ou sexa, un servidor) decidir os cambios ou dúbidas que poidan xurdir, se ben tod@s vós podedes aportar ideas ou suxerencias. Se se observa unha baixa participación, as votacións poderán cancelarse e anular esta iniciativa.

2- Teñen que ser cancións recentes. Non valen cancións doutros veráns, se ben serán aceptadas versións de temas "antigos", sempre e cando haxa algunha novidade claramente apreciable na letra, música ou nas persoas que a interpretan. Valen tódolos estilos de música, sempre e cando a canción sexa moi escoitada neste verán (incluso se xa soaba uns meses antes do verán)

3- No caso de que o número de cancións elixidas na primeira fase sexan menos que 10, pasarán todas á segunda fase. O mesmo para a gran final: poderán pasar menos de 5 se houbese menos propostas.

4- Se houbese menos de 5 cancións na primeira fase (agardo que non!!!) pasarán todas á gran final directamente, adiantándose ésta e sendo durante todo o mes de agosto.

5- Para dotar de maior lexitimidade esta elección, pregaríavos que animásedes a tódolos coñecidos a participar na votacións.

6- Para votar pódese usar o nome real, un alcume ou de xeito anónimo (algo que detesto, mellor poñer un nome calquera antes que poñer anónimo). Neste punto é PRECISO RECALCAR QUE diversas persoas teñen problemas para facer comentarios en A Lareira Máxica por un motivo: tras facer o comentario, hai que marcar primeiro: outros e poñer o alcume ou nome real (a páxina web pode deixarse en branco se non se ten) ou marcar anóninmo se non se quere optar pola anterior forma. Da problemas e non deixar facer comentarios ás veces por dous problemas: ou ben porque blogger está caído, ou ben porque se pon o nome na casilla primeira que pon BLOGGER (so se pode usar esta opción se é un usuario rexistrado de blogger cun blog) e logo vóltase a esribir o nome na opción "OUTROS". Se non se borra antes na casilla de BLOGGER pois non deixa publicar. De todos xeitos, calquera dúbida, facédema chegar polo mail.

7- Non haberá premios nin para as cancións ou ou seus cantantes (non temos cartos!!! e somos pobres!!! e eles ric@s!!!). Vamos que isto so é unha forma de pasar o tempo e elixir á canción do verán 2007 entre os lareireiros (simpatiznates de A Lareira Máxica).

8- Calquera dúbida que poida xurdir, resolverase no mail do blog: alareiramaxica@gmail.com.


---



SO VÓS PIDO UNHA COUSA: participade, por favor, creo que non é moito non? GRACIAS DE ANTEMÁN.

Para quedar máis visible e elección da canción do verán 2007, reservarase o principio do blog para situar esta enquisa, e ser visible nada máis acceder a A Lareira Máxica. Moita sorte a tódalas cancións!!!!!!!

---

ELECCIÓN DA CANCIÓN DE VERÁN 2007 proposta por Julio
Coordinador de A Lareira Máxica

** Adiviña, adiviñanza......+ FORO + enquisa

O sol, o verán que por fin chega, fai que a xente non se anime a facer comentarios e escribir artigos en A Lareira, agás un par de excepcións. Canto á enquisa que nos enviou DROSOPHILUM e que colguei a semana pasada, ningúen se animou a contestar. Por non contestar non respostou nin un anónimo. NINGUÉN. Non me estraña, xa que os temas relacionados coa política non van coa Lareira Máxica. A min tamén é o único tema do que no me gusta falar na Lareira.
Pasemos a temas máis agradables. A ver se vos animades. Cual duende, infiltrei na Lareira Musical (cancións) unha canción que servía de sintonía a unha afamada serie dos anos 80. Mítica onde as haixa. Non, se vai ter razón o do anuncio da Coca-Cola...."Pssss, Señor.....¿Es a mi?" Ay como pasan os anos.... En fin, que a ver quen a descubre primeiro. É moi fácil. A partir de que se acerte, abriremos -se queredes- un foro sobre a serie. Lembranzas qeu vos trae, personaxes,recordos dos anos 80. Ah, e para os que non a virades: ¿oístedes falar dela? ¿Que vos contaron?.

** Enquisa: dereito a votar e xente de fóra

O noso novo colaborador: Drosophyllum, envioume a seguinte ENQUISA:

Que vos parece esta opinión: "Non parece moi lóxico que os cidadáns de fóra que traballan noutro país (sexa España ou calquera outro) e polo tanto pagan os seus impostos no dito país, non teñan dereito a votar en todos os comicios. Parece bastante lexítimo que un teña dereito a decidir sobre quen vai administrar os cartos que paga en concepto de impostos e como o vai facer. Nesa óptica, tamén parecería razoable que esas persoas non puidesen exercer o voto no seu país de orixe, no que xa non residen."

NOTA DO COORDINADOR DO BLOG: O prazo para votar na enquisa remata o vindeiro venres día 13 inclusive.

---

ENQUISA REMITIDA POR: Drosophyllum
Colaborador de A Lareira Máxica

** E as 7 marabillas elexidas en ALM son....

O mes pasado facíavos unha pregunta, a raíz de que pasado mañan se elixen as 7 novas marabillas do mundo, posto ó que aspira a "nosa" Alhambra de Granada: ¿cales credes que son as 7 maravillas galegas? Si, seino. Teriamos que ter distinguido entre marabillas feitas polo home e marabillas naturais. Sexa como fose, o nome máis repetido entre tod@s vós foi:

...Ampliar/recoller resto do artigo [ +/- ]

A MURALLA DE LUGO. Iso si, as seguintes máis votadas foron. A un so voto quedou A Catedral de Santiago, e a continución: As Dunas de Corrubedo (Ribeira) ,a Praia das Catedrais (en Foz) e o entorno formado polo Monte e Castro de Santa Tegra, todas elas cos mesmos votos. Un chanzo máis abaixo quedaron as maravillosas Illas Cíes, a Torre de Hércules e os Canóns do Río Sil.

Si, se contamos saen 8 maravillas, pero é que en Galicia temos, como algúen dixo, máis de 7 marabillas entre as naturais e as construidas.

Agora so resta por coñecer cales serán as 7 novas marabillas mundiais. A Alhambra sexa elixida ou non, é por suposto unha delas. Iso si, ningunha das marabillas galegas lle ten nada que envidiar ás do resto do mundo. Por iso Galicia ten de todo: monte, mar, moita natureza e unha xente con retranca, gheada, seseo (isto último, deberían considerarse como "marabillas lingúisticas e da fala". Se é que temos de todo. Por exemplo: as praias galegas non lle teñen que envidiar nada ás do resto de España. Diso non teño ningunha dúbida ¿ou alguén de vós a ten? ¿a que non?

¿Que opinades dos resultados da enquisa? ¿representan a Galicia e a súa beleza? Eu coido que si, pero o resto das que non se citaron como "gañadoras" poderían estar perfectamente nesta lista de elixidas, e nunca mellor dito o de elixidas.

Gracias por participar na enquisa a tod@s!!
Carpe Diem,



---


NOTA: A pesar de que houbo algúen que votou máis de 7, os resultados non varían, pois tamén cita, entre outras, as máis votadas (agás os Canóns do Sil). Non me estraña que botara a tantas e é que hai moitas marabillas....Que non nunca son poucas, como acabo de lembrar antes.


OUTRO APUNTE: Fixádevos se non hai marabillas en Galicia se ata hai un pobo en Celanova (Ourense) que se chama.....As Maravillas. ¿Que máis se pode pedir?

---

ARTIGO ELABORADO POR: Julio
Coordinador de A Lareira Máxica

** ¿Cales cres que son as 7 marabillas de Galicia?

Falaba María o venres no seu artigo que ata o de agora hai 7 marabillas no mundo, pero que como algunhas xa están desfasadas se están elixindo as 7 novas. Hoxe imos un pouco máis alá. Nós que estamos en Galicia, temos moitos lugares e monumentos moi bonitos. Entón ¿por que non elixir as 7 marabillas galegas? Creo que tamén temos cousas moi boas. Así que entre todos imos dicir as 7 que cada un/unha cre que son as mellores. Poñedeas nos comentarios.
As miñas estívenas pensando e finalmente decidín éstas (custoume deixar algunhas):

- A Catedral de Santiago de Compostela
- A Muralla Romana de Lugo
- A Torre de Hércules (Coruña)
- As Dunas de Corrubedo (Ribeira)
- A Praia das Catedrais (Foz)
- A Ponte de Rande (Vigo)
- As Burgas (termas) de Ourense
Agardo as vosas 7 nos comentarios. Permanecerá aberta a votación ata o 30 de xuño inclusive.

** Pequena enquisa cun significado especial

Había tempo que non subía unha enquisa a este o noso blog. Hoxe traio ó blog blog unha pequena enquisa que atopou a nosa colaboradora Mariam e que nos remitiu. Probádea e contade que opinades e se pensades que vos funcionou. Mariam asegura que, aínda que é unha chorrada cre que é, nenbargantes, bastante certeira. ¿E vos non queredes saber se é ou non?. Se non contestades estas tres pregutnas non o poderedes coñecer. Agardo comentarios, sexan cales sexan. Animádevos que é gratis. Non custa nada...

...--->Ve-lo Artigo completo....
----------------------------------------------------------------------------------------------------------
Non fagas trampa adiántandote. A mente é como un paracaídas: traballa moito mellor cando esta aberta. É divertido facelo, pero deberás seguir ó pé da letra as instruccións.
Advertencia: Contesta a enquisa na orde na que se che vai preguntando. Se ves toda a enquisa antes de rematar, non obterás resultados honestos. Vai baixando lentamente e fai o exercicio a conciencia.
Consigue lápis e papel para escribir abaixo as túas respostas. Necesitaralo ó final. Este é unha enquisa honesta, que che dirá moito sobre o teu verdadeiro “YO”.
Test
• Ordea os siguientes 5 animais de acordo a túa preferencia:
a. Colibrí
b. Cabalo
c. Bolboreta
d. Can
e. Paxaro

• Escribe unha palabra que describa cada un dos seguintes elementos:
a. Can
b. Gato
c. Rata
d. Café
e. Mar

• Pensa en alguén que tamén te coñeza e sexa importante para ti, e que poidas relacionar coas seguintes cores (por favor, non repitas a túa resposta 2 veces, nomea so unha persoa para cada color):
a. Amarelo
b. Laranxa
c. Vermello
d. Branco
e. Verde

¿Terminastes? Asegúrate que as túas respostas sexan o que ti realmente sentes.
Ultima oportunidade...

---

RESPOSTAS:
Esto va a definir tus prioridades en la vida:
• Colibrí : significa carrera
• Cabalo : significa orgullo
• Bolboreta: significa amor
• Can: significa familia
• Paxaro: significa dinero

• A Túa descripción de can implica a túa propia personalidade
• A túa descripción de Gato implica a personalidad da túa parella
• A túa descripción de Rata implica a personalidade dos teus enemigos
• A túa descripción de Café é como interpretas o sexo
• A túa descripción de Mar implica a túa propia vida

• Amarelo: alguén que nunca olvidarás
• Laranxa: alguuén a quen podes considerar o teu/a túa verdadero amigo/a
• Vermello: alguén que realmente amas
• Branco: a túa alma xemelga
• Verde: unha persoa que lembrarás polo resto da túa vida

---

ARTIGO REMITIDO POR: Mariam
Gran Colaboradora de A Lareira Máxica

** Co término "gallego" asociado a "tonto"

Envíanos "As de Ouros" unha pregunta en forma de enquisa sobre o uso que se lle da ó termino "galego". Moi boa suxerencia. Un tema que pode dar para falar moito. Benvido "As de Ouros". Agardo que sigas participando neste, o noso blog. Gracias.

¿Le ofende la acepción de «gallego» como «tonto» según la RAE?

El Congreso ha instado a la RAE a revisar las acepciones recogidas en el diccionario de la RAE en las que se define «gallego» como «tonto» o «borracho», según significados que adquiere en los países latinoamericanos. ¿Lo cree necesario?

---

ENQUISA ENVIADA POR: As de Ouros
Debutante en A Lareira Máxica



Pola miña parte, engado unha páxina web mejicana onde se contan chistes sobre gallegos e onde nos deixan como uns parvos integrais. ¿Que opinades sobre que se fagan chistes sobre gallegos en plan escarnio?



Por último, aproveito para lembrarvos, unha vez máis, que podedes enviarme os vosos artigos - ou facerme suxerencias de artigos a publicar por min -, propostas de enquisas, músicas que vos gustaría escoitar, videoclips para ver, que rabia da cando...!!, que contento estou cando...!, videos ou viñetas de humor, enlaces para colgar nesta páxina ou cantas outras suxerencias teñades a ben. Prometo estudialas e, se a min tamén me gustan, acceder as vosas peticions. Ata o de agora nunca dixen que non. E as persoas que me enviástedes artigos e demais, sabédelo. Nos últimos días produciuse un gran incremento de novos visitantes, e daqueles que ven a páxina e repiten máis días. Todo isto anímame a continuar. Gracias a tod@s vós por axudarme a facerme un blog como éste. Sodes unha parte moi importante. Sei que o blog o podería facer so, pero gústame de que a xente continúe participando, porque lle da máis puntos de vista e democracia. E iso é algo moi importante. ös que nunca comentástedes artigos ou non envíastedes nada, facédeo. Xa veredes como vale a pena. So pido unha cousa: que non empreguedes "anónimo" como nome. Podedes por una alcume ou apodo, real ou inventado, ou o voso propio. Calquera cousa con tal de non ser "anónimo".

Se A Lareira Máxica está a facerse famosa é so gracias a tod@s vós. Gracias pola vosa fidelidade de todo corazón!!!!

** Enquisa sobre o amor.....preto da Primavera

Hai tempo propuxéranme poñer en A Lareira Máxica unha enquisa a cal vos paso a prantexar. Agardo as vosas respostas. E podedesvos extender o que desexedes.
¿Que estariades dispost@s a facer por amor?
Non se pode dicir todo, depende ou nada. Hai que pór cando menos álgún exemplo.

** Resultados da enquisa da última semana

Desde o domingo pasado e ata onte en ALM (A Lareira Máxica) fixemos unha pregunta coa cal inauguramos a nova sección das enquisas para votar. Nest primeira queriamos saber "¿Cal é actualmente a túa principal inquedanza?" e as posibles respostas eran 6. Houbo un total de 43 fotos que se repartiron do seguinte xeito:
:: Ter un traballo estable ---> 13 votos (30.2% do total)
:: Mercar un piso ou vivenda propia ---> 18 votos (41,9% do total)
:: Chegar a fin dos mes cos cartos que gaño ---> 9 votos (20.9% do total)
:: Atopar a media miña media laranza ---> 1 votos (2.3% do total)
:: Ter fillos ---> 0 votos (0% do total)
:: Outros ---> 2 votos (4.7% do total)

A breve análise que se deprende destes datos é que -->Ve-lo Artigo completo...
hai unha grande preocupación pola índole económica. Incluso é superior a da vivenda que a do traballo estable, se ben a da busca do traballo estable (hai moito traballo temporal ou sen estabilidade suficiente) e a de chegar a fin de mes cos cartos que gaño (traballo mal remunerado incluso sendo estable), supera a da vivenda. Isto en parte pode deberse a que as repostas sobre o traballo eran duas e a da vivenda so unha.

Isto denota a gran preocupación que existe hoxendía por acceder a unha primeira vivenda, tendo en conta os altos precios ó que están. Pero se temos en conta que no traballo hai pouca estabilidade e os salarios apenas chegan ós 1000 euros, fai que todo estea relacionado. Vamos que poderiamos respostar tranquilamente máis dunha opción.

No tocante ó amor, a cousa non se prioriza tanto como o traballo, os cartos ou a vivenda. So unha peroa respostou que quería ter a súa media laranza, e ningunha afirmou que a súa prioridade fose a ter fillos. A verdade é que tendo en conta o tema traballo, pódese entender o silencio nestas respostas....

Por último, dúas persoas, responderon que a súa principal inquedanza ou preocupación eran "outras". É evidente, que neste abanico faltaban outras moitas opcións (saúde, ocio, etc.)

Por suposto, estas interpretación son moi persoais, así que me gustaría sabelas túas. ¿Cales son?.

----------------------------------------------------------------------------
P.D.: Se queredes publicar unha enquisa en A Lareira Máxica, envíadema a alareiramaxica@gmail.com, xunto cun máximo de 6 respostas.

** Enquisa de A Lareira Máxica (ALM)

Desde hoxe en A Lareira Máxica (ALM) temos unha nova sección: A Enquisa. Nela iremos preguntando diversas cuestións que suscitan preocupacións ou curiosidade. A primeira vai sobre a principal inquedanza que teñen as persoas. Poderían ser todas, pero pregúntase sobre a que é a máis importante. A elección, xa sei que non é nada fácil.
Se queredes enviar as vosas propostas de enquisas coas opcións correspondentes, xa sabedes que mas podedes enviar ó mail de alareiramaxica@hotmail.com
Polo de agora a sección da enquisa quedará ubicada antes dos últimos comentarios na sidebar de ALM.
Por certo, se se vos ocurre algún Que rabia da!!! envíademo, please!!! Xa hai tempo que non poño ningún na páxina.

** Enquisa: ¿A distancia é o olvido?

Propúxome María, fiel colaboradora de alareirmáxica, (Thank you very much!!) un tema para unha enquisa: ¿a distancia é o olvido? ¿É posible deixar de pensar en alguén so porque esté lonxe? (entendendo distancia como calquera tipo de distancia: física, xeográfica, temporal,etc) ¿Olvidámonos daquela persona querida cando morre ou non sempre é tan fácil? E en temas de amoríos, ¿deixarías unha relación porque un dos dous tivese que marchar lonxe? ¿Qué consideras lonxe?.
Como vedes hai moitas preguntas, con diversidade de respostas posibles para un único tema... Agora so fai falta que participedes coas vosas respostas neste artigo. Se iso sucede, podería ser algo moi productivo e enriquecedor para todos. Considero, como xa lle dixen a María, que é unha boa pregunta sobre un tema complicado....

** ¡¡ LEMBRA !!.....De madrugada cambia a hora....

Atrásase o reloj unha hora, polo que ás 3 da mañán do sabado ó domingo, voltarán a ser as 2 da mañán. Unha boa nova para uns e mala para outros.....





_______________________________________________________________
ENQUISA: ¿Que che parece a idea de adiantar a hora na primavera (horario de verán)e retrasala no outono (horario de inverno)? ¿Supón máis beneficios ou máis inconvenientes? ¿Cales no teu caso? ¿Que horario dos dous prefires: o de verán ou o de inverno?