sábado, 15 de agosto de 2009

** Un entorno natural para recordar

Esta semana estiven no concello de Barro, en Pontevedra, visitando unha pequena xoia da natureza galega, que garda este concello. Ese lugar, non é outro que o entorno natural das cascadas do río Barosa. A peculiaridade deste entorno natural, reside básicamente nun conxunto de pequenos muíños antigos ó longo da pendente do cauce do río. Existe un pequeno recorrido para os amantes do senderismo. Non é moi longo. Ten un pequeno treito de dificultade alta, pero despois é casi todo llano. A maior parte da flora é autóctona, o que enriquece máis o encanto do lugar. Dous dos muíños foron restaurados e convertidos en típicas tabernas, onde podes entrar a tomar algo, ou picar algunha tapa.

Pero dende A Lareira Máxica, quero pedirlle ó concello de Barro, que se esmere un pouco máis en coidar este entorno. Algúns muíños pódense restaurar ou polo menos limpiar de maleza. No meu parecer debería levar a cabo un proceso de expropiacións, nas fincas situadas o seu carón, e sustituir, en algúns tramos da ruta de sendeirismo, a paisaxe de eucaliptos por vexetación autóctona, acorde co resto da flora do lugar. Existen un par de prados que se poden destinar a ampliar o merendero, colocando máis arboleda autóctona e salpicando o lugar de esculturas ou expresións artísticas que non infúan no entorno natural. En definitiva ampliar este entorno o máximo posible e manter un coidado máis a diario.

Esta paraxe, vale a pena visitala. Recoméndoa. Gustaríame, querido lector que recomendases tamén outros lugares dignos de ver, para visitalos e amosarnos fotos.






UN ARTIGO-OPINIÓN ESCRITO POR: O Moucho
Colaborador habitual de A Lareira Máxica

4 comentarios feitos. Deixa o teu!!!!! :

sonia dixo...

Precioso lugar, así de entrada recordábame, as muiños do Rosal, os Muiños do Folón e o Picón. Pero aquí ademais o precioso son as cascadas. Espero poder ir algún día, parece realmente precioso. Supoño que son preciosas as vista, é unha foto pode ser un adianto, pero nunca se pode comparar con vivilo.

Alvariño dixo...

Un lugar precioso, non o coñecía. Moitas grazas pola recomendación. Tereina en conta. Eu recomendo, seguindo na temática cascadas, a cascada de Ézaro. Xa fai tempo que non a visito pero tamén é espectacular. A particularidade que ten é que enriba hai un embalse e solo abren as comportas a determinadas horas por eso hai que asegurarse do horario antes de ir.

migramundo dixo...

Coincido con Sonia. A túa suxerencia lémbrame os muiños do Folón, en Oia, un magnífico complexo que coñecín hai anos mentres facía un roteiro sendeirista que me partiu as pernas, subindo e baixando a montaña. Lugares coma este, tes razón, deben ser mimados como patrimonio común. Apertas.

Julio Torres dixo...

Servidor estivo no sitio. Queda como di O Moucho moi cerca de Caldas, desviándose uns poucos metros da estrada xeral Pontevedra-Caldas. Non estiven moito tempo pero a paraxe é moi bonita e tranquila. E iso que estivera no mes de decembro de hai xa uns anos. Imaxinádevos na primavera como debe estar aquilo...

Voltarei máis adiante, se podo, un día que faga bo.