** Chegou á hora: A Lareira Máxica cumpre 2 anos

A Lareira Máxica está de cumpre. Celebra o seu segundo ano de vida. Hai 366 días, o 1 de maio de 2007 , ALM cumpría o seu ano de vida e contábavolo neste post, como se dun pai primeirizo se tratase o tema. Dicía que o cativo se facía maior e cumpría un aniño. Ben, pois hoxe, o cativo xa sabe falar, xa ten moitos dentes e xa botou a andar. O triciclo debe esperar polo de agora. Tempo ó tempo.

Neste último ano, novos colaboradores se sumaron a este blog que pretende ser un blog de temática mixta (agás de política) colectivo e que se preste á reflexión e á opinión, partido das miñas e das vosas suxerencias. O camiño non é fácil, pero hai que darlle tempo ó tempo, frase que tanto utiliza un servidor. Realista.

¿Cambios que sufriu a ALM? Quixera salientar que o blog rediseñouse no mes de Setembro de 2007. Nesa data o blog pasou a contar cunha nova sidebar ou columna lateral máis, sumando así un total de dúas. Era unha aspiración que tiña, co gallo de reordenar enlaces e outros contidos. Obxectivo cumprido.

O contador de visitas, case duplica as do ano pasado por estas datas. Se temos en conta que durante os meses de agosto e setembro o blog tivo que estar parado, coido que é unha boa cifra, se ben o que me importa máis é a vosa participación. E falando de participación, e como de ben nacidos é ser agradecidos, quixera agradecer ós novos colaboradores ou comentaristas de ALM como Alvariño(activo colaborador e contador de historias cotiáns), Eifonso Lagares, Toupeiro, Guillermo Pardo, Félix Soria, as Entrenómadas, Breogain, Drosophylum, o Moucho, Ad astra per aspera (ex- Una mujer desesperada), Polizón (¿que sería del/dela?), entre outros, adoiten visitarnos e participar en maior ou menor medida.

Mención especial quixera facerlle a Patri Loureiro, que me veu axudando a administrar o blog ata hai poucas semanas. Desde octubre e ata principios de abril a súa axuda fixo que A Lareira Máxica se actualizase con periodicidade ó encargarse da súa administración. Sen ela, e por motivos persoais/laborais do que vos escribe, ALM actualizaríase moi de cando en cando. Tras seis meses, Patri déixanos porque a familia e o traballo impídenllo. Enténdoo perfectamente. Antes pasoume a min, agora pásalle a ela. Prometeume que de vez en cando se pasará por este lar e, quen sabe, pode voltar a participar máis activamente. Sei que, como a min, non che gustan as despedidas e por iso non nos quixestes dicir nada. Paradoxas da vida, o teu último post foi unha canción alegre de The Pogues. De todo corazón gracias pola túa inestimable axuda e espero contar novamente contigo, amiga.

A tódalas persoas anteriormente citadas, debo sumar ós que xa veñen participando desde o primeiro ano de vida de A Lareira Máxica e continuaron no segundo. Salientar, en especial, ás dúas Marías: María e mariam (o da minúscula é para diferenciar e non confundir cos nomes, que me perdoen os académicos da lingua), pero tamén a Raquel, Sonia, Romy (a primeira comentarista de ALM), Calypso, José Manuel Freijeiro (Por certo: ¿que foi destes dous últimos?), entre outros.

Disculpas a tod@s aqueles d@s que me poida olvidar. Non é a miña intención. A vós tamén vos inclúo.

¿FUTURO? O meu obxectivo é seguir como ata agora, pero tentando mellorar no posible como sempre. O gran desexo sería poder poñer unha versión en galego e outra en castelán, pero vai ser TAREFA MOI COMPLICADA. Os meus coñecementos de programacións son MOI LIMITADOS. Agás que cambie de plataforma e abandoe Blogger, véxoo moi difícil. Se alguén sabe como podería facer para poñer dúas versións galego/castelán que fale agora ou que cale por sempre. E hoxe por hoxe, cambiar de plataforma é complicado porque non dispoño de tempo suficiente para familiarizarme con outro tipo de funcionamento. Bloogger é moi sinxelo e iso tamén pesa...

Outro gran desexo é conseguir que a xente que visita o blog pero que non comenta nin escribe posts o faga aínda que sexa paseniñamente. Gustame que a xente participe e comente. Sempre que haxa respeto nas opinións, todas son benvidas. E se son diferentes, mellor, pois aportan diferentes puntos de vista, o cal contribúe a enriquecernos a todos e todas.

As seccións seguirán as mesmas. Seguramente se vaian introducindo novas. Unha delas gustaríame que fose sobre fotos antiguas que sexan documentos vivos. A proposta realizoume mariam e a min gustoume moito, como tódalas que adoita facer.
Vou tentar, iso si, de que OS MEUS POSTS, sexan menos longos e pesados. E como teño que empezar a aplicarme o conto, pois vou rematando. So me resta dicir que MOITAS GRACIAS a tod@s e estou aberto, como sempre, ás vosas suxerencias para axudar a mellorar A Lareira Máxica.



"A cultura é a boa educación do entendemento" (Jacinto Benavente)

Un saúdo,
Carpe Diem

---

UN ARTIGO ESPECIAL ESCRITO POR: Julio Torres
Coordinador de A Lareira Máxica