** Punto e aparte para o blog La Huella Digital

Outro gran blog pecha temporalmente as súas portas. Parece un "virus" o de pechar blogs ultimamente. A semana pasada foi o xornalista de La Voz de Galicia Nacho Mirás quen "clausuraba" -esperemos que de xeito provisional- Rabudo, o blog deste vigués, residente en Santiago de Compostela. Onte foi o turno doutro xornalista, curiosamente do mesmo xornal (edición Coruña) e de igual nome: Nacho. Refírome ó blog La Huella Digital, de Nacho de la Fuente. Bromeaba, claro está, co asunto do "virus". Os motivos tanto dun coma doutro son moi comprensibles: a familia (ambos con fillos moi pequenos), o traballo e a falta de tempo. Motivos suficientes para aparcar temporalmente o blogueiro que un leva dentro. Mandan as prioridades. A tod@s nos pasa o de priorizar. Estes descansos, lonxe de ser malos, son bos. ¿Por que? Porque logo vóltase con ánimos renovados. Evidentemente a adicación non pode nin debe ser a mesma cando unha causa xustificada o impide: chámese familia ou traballo (como nestes dous casos), saúde ou razóns de peso. Por suposto, que os que somos amantes dos blogs, non nos é nada fácil ter que elixir. Pero a cabeza, neste caso, debe impórse ó corazón cando de blogs falamos. Resulta moi lóxico.

Agardo que os dous Nacho, os dous xornalistas de La Voz de Galicia, os dous pais con fillos pequenos, os dous grandes blogueiros (un da literatura do cotián e outro do análise informativo), os dous....humm moitas coincidencias (Expediente X tal vez, jeje). En fin que espero que volten pronto. Disfrutade do voso merecido descanso pero non vos olvidedes de voltar, aínda que sexan reducindo considerablemente o ritmo de publicación de artigos.

---

UN ARTIGO REALIZADO POR: Julio Torres
Coordinador de A Lareira Máxica

** A Frase Máxica......Cuestión de formas

" El respeto es la armadura de la razón, el insulto es la espada de la irreflexión "

---

Anónimo

** Xornalismo Deportivo: ¿Tratamento obxectivo?

¿Por que a portada dun diario deportivo ten que ser necesariamente de fútbol, salvo contadas ocasións? ¿Por que outro deporte, calquera, especialmente cando hai éxitos deportivos, non pode acaparar toda unha imaxe de portada? ¿Por que os medios de comunicación se centran sempre no fútbol? Un servidor faise estas e outras preguntas. Creo que axudaremos a crecer a outros deportes que non son o fútbol cando o fútbol non teña patente de corso polo feito de ser o fútbol. Dirán moitos compañeiros de profesións que iso é o que vende. Non digo que non. Pero non me chega esa explicación. Hai que ser osado, atrevido, apostar polos restantes deportes e non explotar ata a saciedade noticias do fútbol onde case non hai nada e, "ás veces", incluso se opta pola mala práctica de conceder veracidade a un rumor para mañán desmentilo cando non hai nada que dicir. Mal polo xornalista de turno que fai esas prácticas e mal polo seu xefe. É unha abosluta desconsideración para outros deportes chámese baloncesto, balonmano, tenis, etc.etc.

E vou máis alá, ata hai pouco, nas televisións abríase sempre co Rei Fútbol, ¿por que?. E digo ata hai pouco, porque cando menos CUATRO, rompe este esteretipo e dalle, incluso, a volta á tortilla.

O tratamento informativo dos deportes empezará a cambiar cando calquera deporte poida ser motivo de apertura. E non so por éxitos deportivos estilo Fernando Alonso en F-1 ou Rafa Nadal no tenis (e, ás veces, nin con ésas consiguen ser motivo de apertura...).

E vou remantando, indo un pouco máis alá todavía. ¿Por que hai que empezar co Madrid ou co Barça? Sí, xa sei: porque son os que máis seguidores teñen. E a min qué. ¿Os demais son menos? O día que calquera equipo poida ser motivo de apertura no apartado do fútbol, ese día algo terá cambiado. De igual forma, bótase en falta unha descentralización deportiva, que non estea focalizada en Barcelona e, sobre todo, Madrid. Por certo, fíxádevos: en moitos canales dá igual en que posición vaia o Madrid, que hai que empezar por el. Non existe criterio obxectivo. Ou si: que os medios de comunicación se atopan, case sempre, ubicados en Madrid.

O día que se rompan estereotipos deportivos, o día que haxa un gran periódico nacional deportivo que trate por igual a calquera deporte, e que -e iso xa sería o summun- incluso non estea ubicado en Madrid ou Barcelona, ese día poida que sexa un gran día para o mundo do deporte. Outro tanto para a radio e a televisión. Menos mal que parece que algo empeza a cambiar (vale a pena facer click no enlace anterior). Oxalá todos tomen exemplo e rompan moldes, que xa vai sendo hora...

¿E vos que opinades de todo isto? Sí. xa sei que o do xornalismo obxectivo é pura teoría, pero non estaría de máis tentar non ser tan subxectivo.... Animádevos a comentar sobre o tema.

---

P.D.: O que escribe estas liñas é, aínda que poida parecer o contrario, gran seguidor do mundo do fútbol e aficionado do F.C.Barcelona (amais de tódolos galegos)

---

UN ARTIGO REALIZADO POR: Julio Torres
Coordinador de A Lareira Máxica

** Sinales de tráfico para abrir ben os ollos.....

O seguinte slide de fotos de sinais de tráfico está extraído do blog ToupeiraToupeiro , do xenial Toupeiro, unha páxina chea de anécdotas e de moito humor. Visita recomendada da súa bitácora. Non, perdoade, iso sería pouco. Visita MOI RECOMENDADA. E isto non é broma.

Nesta sociedade tan estresante, agradécense blogs que nos fan rir con anécdotas da vida mesma. ToupeiraToupeiro é un estupendo blog para levar adiante o famoso dito -sobre o que, por certo, escribín un dos primeiros posts en A Lareira Máxica- e que non me canso de repetir: "5 minutos de risa, equivalen a 45 de exercicio físico". Pode que eses 5 minutos non equivalgan a tanto, pero son moi relaxantes e os músculos ¿carrizos? (das fazulas) exercítanse moito e un séntese maravillosamente ben. Sobran cousas tristes nesta vida como para non disfrutar daquelas agradables.

E nesta entrada do blog de Toupeiro, poderedes contestar a unhas preguntas que se fai el, e que servidor tamén as suscribe. E en ALM pregúntovos: ¿Que opinades destas sinales "un tanto especiais"?

E lembra a túa dose diaria de 5 minutos de gargalladas....¡¡¡Que son gratis!!!

---

P.D.: O blog de Toupeiro non ten desagradables efectos secundarios como as medicinas. Así que aproveitade e visitádeo a miúdo. As vosas gargalladas incrementaranse en pouco tempo. Garantizado. E 100% natural e sen custe algún.

---

---

SLIDE DE FOTOS PUBLICADAS NO BLOG DE: Toupeiro
Colaborador de A Lareira Máxica