SAN XENXO . Julio Torres (Artigo adicado a tódol@s compañeir@s de promoción de Traballo Social) 14 anos quedaron no saco dos olvidos...
Publicacións
Todos os comentarios
N ovembro, o mes que menos me gusta de todo o ano. E iso a pesar de que cada vez máis teño a sensación que xa é navidade cando se empeza este mes. ¿O motivo? O que todos sabemos. A decoración navideña en máis dun establecemento, rúas que xa están engalanadas, bombardeos de anuncios na t.v. (deberían estar prohibidos en determinadas franxas ata o mes de decembro, porque creo que é contraproducente para os cativos). En fin, que xa é nadal e eu sen enterarme. Ay, Julio, Julio que non te enteras...
O outro día preguntáballe un neno de 5 anos á súa nai en plena rúa:
- ¿E logo mamá, xa é navidad?
- Non, fillo, ata o mes que ven non. Aínda falta moito.
- ¿E entonces porque xa hai árbores de navidad nesa tenda? ¿e por qué xa puxeron tantas luces nesa calle mamá?
- Non sei fillo será que estaban aburridos e por iso os puxeron.
En fin, a inocencia dun cativo de 5 anos coas súas certeiras e inocentes preguntas deixan a calquera seco e case sen posiblidade de respostar. Se é que hai cousas que nin os adultos acadan comprender. Ó mellor máis que celebrar a Nadal queremos potenciar a chegada do consumismo de determindadas, e se se amplían estas datas mellor que mellor. Total como a xente gasta aínda que non chegue a final de mes, pois que máis da gastar en decembro que xa en novembro. Será que as hipotecas dos pisos van baratas ou que a cesta da compra sopra con vento a favor e a toda vela....
Lía hoxe que a xente se vai gastar menos no Nadal que outros anos. Se finalmente é certo noN me estraña en absoluto. Non. Porque con tanta subida de precios, nin que estiveramos nunha subasta....E a televisión bombardeando con anuncios. Que queredes o consumismo está en perigo de extinción e hai que potencialo non vaia ser que desapareza. Viva a retranca galega!!!
En fin, que nos tempos que corren e cos altosprezos en España ó mellor empezamos a pedirlles á Papá Noel ou ós Reis (ós magos, eh, que eu son deles e non de Papá Noel, falando un pouco de todo): tomates, froita, aceite, pan, porque tal e como están os precios para dicir que non. Ah, ó mellor ata é bo o carbón, que con tanto frío, non ven mal. Ou postos a pedir casi cambio o carbón por un barril de petróleo, que casi non gañamos para gasoil....E é que como xa dixen no seu momento neste mesmo blog: " Se Isaac Newton levantara a cabeza", voltaría a baixar porque non todo o que sube baixa, por desgracia....
Hoxe quixera facerme eco dunha cousa que me chamou moita a atención pero que coido que axuda a potenciar a cultura. Descoñezo se se fai noutros concellos. Na cidade de Pontevedra están empezando a poñer debaixo dos nomes das rúas, quen foi esa persoa. A verdade é que non acertaría moit@s deles se non mo dixeran. Ó marxe de poder estar dacordo ou non que se lle adique unha rúa a tal persoa, creo que está ben saber quen raios era. Iso axuda a coñecela e saber porqué se lle adicou dita rúa. ¿Acaso nunca nos preguntamos quen era a persoa que figura na placa? Incluso digo máis. ¿Non vos pasou de que estades fart@s de oír o nome da rúa pero descoñecemos totalmente quen era a persoa en cuestión?
Falo de Pontevedra porque é a única cidade ou pobo que sei que fai isto (desde hai poucos días), pero insisto: ó mellor hai máis, e senón os hai pois debería. E os que o poidan facer: PARABENS.
¿Que opinades do tema?
"Cando necesites o silencio para pensar en alguén, lembra que en silencio alguén pensa en ti"
