** Porque aínda somos moi Novos....

Coñecinos no ano 1988. Nunca pensei que me fosen deixar tan profunda pegada…Nunca, pero foron pasando os anos, e a súa ausencia, os bos momentos vividos, todo o que me fixeran rir estaban aí. Non se esvaeceran no lúgubre e indiferente baúl dos olvidos. Non. Hoxe, 18 anos despois (como pasa o tempo…) voltaron. Están igual que a última vez que os vin. Iso si, as súas voces cambiaron. A pesar de que nos tratan de convencer que son as súas voces orixinais, algunha, polo menos, non o é. Ademias, agora falar ese “galego normativo” tan insulso e lonxano do pobo que realmente fale o auténtico galego de Galicia. Non esoutro galego de laboratorio..Os novos voltaron. A mítica serie inglesa foi reposta pola TVG. Sabia decisión…..

SÍ, sabia decisión a pesar de que para todo hai unha época. Mike (o empresario cabr--), Neill (o hippie), Rick (o anarquista de pacotilla) e Vyvyan (o punki) eran os protagonista. Residian xuntos nun piso alquilado e pelexaban seguido porque as súas personalidades eran encontradas. Aínda así, eran entrañables e durantes os 30 minutos que duraba a ficción ríaste ben. Tiña lugar na Inglaterra gobernada por Margaret Tatcher e facía as súas críticas veladas (ou incluso sen velar….).

A TVG sucumbiu á petición dos numerosos internautas que pedían a berros a súa reposición. A canle autonómicos accedeu ás súas peticións e comprou de novo os dereitos da serie inglesa, tal e como afirmaron desde a TVG ós medios de comunicación.

Lía o outro día nun xornal unha opinión sobre a volta desta serie. Comentaba o seu redactor que a serie lle gustara cando a vira, pero que era un tremendo erro voltar a pola denovos, xa que a situación política na que se enmarcaba cambiara totalmente e, ademais, para os que a viran –como el- suporía desmitificar a lembranza da serie. Argumentaba algo asó como que non se debe voltar ó pasado aínda cando sexa para recuperar gratos recordos.

Persoalmente, en parte ten algo de razón a situación política é distitna., Pero como a min nunca me gustaron os políticos dáme exatamente igual. Sobre o que é un risco de voltar a ver unha serie moi querida e ver que 18 anos despois que non era tan boa como nos pareceu daquela, pois si que é un risco e seguro que non nos gustara tanto. É certo, pero non menos certo é que ós que a vimos daquela nos congratulará ver novamente a Mike, Neil, Vyvyan e Rick e rirse coas súas tramas (ás veces estrambóticas), Quizás os que vexan por primeira vez non lles cautive ó que os que a viron hai 18 anos, porque a tv de hoxe é distinta….Pero aínda así ten o seu aquél.

Por último, sobre o de que non é aconsellable voltar ós bos momentos do pasado porque é algo pasado aínda que fose bo, para nada estou dacordo. Non se trata de vivir sempre do pasado, pero ¿Por qué non voltar á lembrar cousas boas do pasado de vez en cando? Xa suficientes cousas malas pasan, como para permitirnos o luxo de non acordarnos das boas…Por riba, estamos a falar dunha serie de ficción…Que trabucado estaba o redactor, parececía que non quixese lembrar….!!!! Pero, aínda que non comparto todo o que di, respétoo, faltaba máis.

A min non me borrou a imaxe boa da serie. É verdade que a tiña moi mitificada, e non sexa para tanto, pero é divertida e entretida. Tamén se debe ter presente que é unha serie antiga e que os medios eran outros. Pero ¿acaso unha película antiga boa se nos gustou moito non a vemos varias veces???Entón???

Para os que nunca vístedes a serie, o día eleixido pola TVG para vela son os domingos ás 12 da noite. Mala hora, pero tampouco demasiado mala. Botan dous capítulos. Empezaron a emitilos o domingo 24 de setembro. Ese día descoñecía a súa reposición. Este últmo domingo botaron outros dous. En total consta de 12 capítulos….

Xa vos adianto que deberon de ter que pór infinidade de decorados, porque a cada pouco os protagonistas rompían na ficción a casa ós poucos….Menudo era Vyvyan!!!!!
Se as paredes fosen de verdad, tería roto a cabeza, as cervicais…..logo dos seus cabezazos “punkeiros”….

Amais, a serie faime lembrar toda unha época de incipiente adolescencia….Pero iso é outro tema…

Agora gustaríame que désedes a vosa opinión sobre OS NOVOS: ¿gustouvos? ¿gústavos? ¿Qué faciades no 88 cando a botaron na TVG por primeira vez? ¿Qué recordos ou lembranzas vos trae?, etc. O que vos poida suxerir, en definitiva.

Sexas benvidos de novo "OS NOVOS" e gracias á TVG por repoñer unha serie que nos fixo rir a tod@s hai xa 18 anos...

Carpe Diem

** PETICIÓN DE COLABORACIÓN NA PÁXINA

Sen ánimo de ser pesado, gustariame que participarades na páxina. Se vos custa escribir artigos e envialos á lareiramaxica@hotmail.com para que volo publique (co voso nome, claro está), polo menos facede un mínimo comentario dos artigos que publico. Vale unha liña. Podedes criticalo, indicar cal é a vosa opinón sobre o tema tratado, se vos fai lembrar algo, se é algo pasado: que facíades cando aconteceu o feito tratado...En definitiva comentar algo relacionado co artigo. Valen 5 ou 6 palabras. Non pido moito, creo. O que pretendo é que a xente lle dea máis color á páxina en canto á particípación dentro do apartado de artigos.

Ah!!! para facer comentarios, non tedes que enviarmos á lareiramaxica@hotmail.com (o mail so é para publicar artigos vosos ou suxerencias para mellorar o blog ou outras cousas xerais). Para os comentarios, chega con clickar ó final do artigo onde di "--opinións sobre o artigo + tamén podes dar a túa". so tedes que pór o nome (ou non), facer o comentario (sin extensión mínima)e darlle a enviar. NON TEDES PORQUE FIRMAR O COMENTARIO. PODE SER ANONIMO. Acéptanse todo tipo de opinións, agás que conteñan insultos ofensivos.

** Resumo dun fin de semana deportivo

Para @s que, por calquera motivo, non puidéstedes seguir o que acontecer nos Deportes esta fin de semana, aí vai o máis destacado que aconteceu:

*** FÚTBOL
- O F.C.Barcelona e o Valencia colideran a Liga de Fútbol en 1ª Divísión, logo das súas respectivas ante o Athletic de Bilbao (victoria en San Mamés por 1 a 3) e Nástic de Tarragona (4-o en Mestalla).
- R.Madrid e Atlético de Madrid empataron a uns nun derbi madrileño que se puido levar o equipo roxiblanco se Agüieron nos compases finais marca unha clara oportunidade de gol
- O Celta so puido empatar a 1 co Rácing de Santanter, namentres que o Deportivo gañoulle en Riazor á Real Sociedad por 2-0

*** FÓRMULA 1
Michael Shumacher gañou no Gran Premio de China e pasa a encabezar á clasificación do Mundial, logo de que Fernando Alons entrara 2ª e tivera problemas cos neumáticos e, ademais, tardaran case 20 segundos na segunda parada en boxes por culpa dunha torca (de novo).

*** BALONCESTO
Principiou a Liga ACB. Gañaron tódolos grandes, agás o Unicaja que caeu vapuleado de 29 puntos polo Real Madrid e o Barcelona que caeu de 8 puntos, contra todo pronóstico, co Etosa Alicante.

** ....Se Isaac Newton levantara a cabeza.....

Se Isaac Newton levantase a cabeza descubriría que se trabucara na formulación da súa lei. Non de todo, pero polo menos en parte. Aquel día no que, sentado baixo unha árbore que o regardaba do sol namentres lía un libro e disfruba da natureza que o rodeaba, descubriu o da forza da gravidade ó caerlle unha mazá. Ou iso é o que di a famosa "lenda urbana" da comunidade científica, aínda que a min me parece un conto chino que o descubrise dese xeito). Pois ben, se hoxe resucitase vería que as cousas cambiaron. Non todo o que sube baixa. E podería pór varios exemplos sobre o tema en cuestión. E é que Isaac non contou cons algunhas variables imprescindibles hoxendía...


As máis importantes son o Euro, o IPC e as petroleiras. Xa sei que non son variables físicas, pero hoxendía afectan –e de qué maneira- ós petos de tódolos cidadáns, que ó fin é o cabo é que realmente importa na economía doméstica. E algo de relación ten coa súa lei e a máxima: TODO O QUE SUBE BAIXA.

Do euro dicir que, desde que o temos, todo está moitísimo máis caro. Será unha vantaxe para unificar moedas no mapa da cada vez máis grande Unión Europea pero vainos arruninar. Cabe engadir que no Reino Unido foron máis listos ca nós e conservaron a súa moeda propia: a libra, despreciando, alomenos de momento, o euro.

Do IPC cabe recriminar que sube máis que os soldos. Porque unha cousa é que se di e outra o que pasa en realidade, coma todo claro. Para rizar o rizo, leo que un determinado concello “de cuyo nombre no quiero acordarme” sube anualmente as tasas municipais para adecualas á subida do IPC. Home que as suba, xa fastidia, pero que empregue dito argumento pois…. Digo eu, ¿non sería máis correcto prantexar que sube o IPC porque suben os precios do que mercamos ou pagamos, entre eles o das tasas públicas?. O mundo ó revés.

Cando falaba de Newton pensaba, non obstante, sobre todo no precio das gasolinas e gasóleos. No último ano e medio o gasoil subiu ata 35 céntimos (na miña zona). A guerra de Irak, cambios de gobernos e mil e unha disculpas dispararon o precio dos famosos barriles de petróleo. Curiosamente, cando se resolveron case o 100% dos problemas que serviron de excusa para incrementar os precios dos carburantes, acontece que os precios non baixan, ou que lles custa baixar de novo. Estes días vimos que os combustibles baixaron usn céntimos, pero para nada descenderon todo o que subiron. So diminuiron 7 céntimos dos 35 que chegaron a medrar. E iso porque se fixo presión mediática, que senón baixaban 2 ou 3 como moito. ¿Qué pasou cos 28 céntimos restantes???? (Ollo, depende da zona onde residades puido baixar un par de céntimos máis como moito).

Por tanto, NON TODO O QUE SUBE BAIXA. Ou, se cadra, NON TODO O QUE SUBE BAIXA NA MESMA CANTIDADE OU DA MESMA MANEIRA. Sexa como fose, se Isaac levantara a cabeza, o primeiro que debería facer sería refacer a súa teoría. Non centrarse so en aspectos físicos, senón tamén materiais e, sobre todo, de índole económico. Ó fin é ó cabo a economía tamén é toda unha ciencia nos nosos días. ¿ou non?.

Carpe Diem.