Pois sí, tardaron pero xa chegaron as miñas vacacións laborais. Cando todo o mundo volta das vacacacións do verán, este servidor acaba de incialas. Por este motivo en setembro o blog apenas se vai actualizar. E digo apenas porque teño algúns artigos que deixei programados para publicarse automaticamente e evitar que o blog non medren telarañas. Iso sÍ: serán moi benvidos os vosos comentarios, os cales sempre é un pracer recibir.
Vou tentar desconectar de internet durante as próximas semanas. E digo tentar porque algunha vez sí que me pasarei a botar unha ollada e comentar nalgún dos meus blogs preferidos (ver "A Eira dos Blogs" na parte final da columna dereita do blog)e, por suposto, a contestar ós vosos en A Lareira Máxica. Pero agora o corpo pide desconectar de internet -en realidade xa mo pediu desde mediados de agosto-, e seguro que mo vai agradecer ben. Iso seguro. Gracias, como sempre, polas visitas, comentarios e colaboracións. MOITAS GRACIAS.
A volta de vacacións vai supoñer iniciar novos proxectos e deixar atrás outros polos que apostei no seu momento. Na vida hai prioridades e ciclos que marcan a vida das persoas. Tranquil@s que A Lareira Máxica non dirá adiós e vai seguir (aínda que verá reducida a súa periodicidade semanal)
P.D.: Algúns pequenos cambios e algunha nova sección iranse incorporando progresivamente nas vindeiras semanas, se todo vai como espero. Tamén agardo os vosos artigos e colaboracións, así como os comentarios, co gallo de voltar a facer de A Lareira Máxica un blog colectivo. Podedes, por tanto, enviar as vosas colaboracións á alareiramaxica@gmail.com. Despídome ata octubre!!!
Publicacións
