SAN XENXO . Julio Torres (Artigo adicado a tódol@s compañeir@s de promoción de Traballo Social) 14 anos quedaron no saco dos olvidos...
Publicacións
Todos os comentarios
" No rechaces tus sueños. ¿Sin la ilusión el mundo qué sería? "
Ramón de Campoamor
Toupeiro, editor do blog Toupeira-Toupeiro (o cal vos recomendo visitar na Eira dos Blogs na marxe dereita de A.L.M. ó final: moi entretidoa e divertido, e non é un cumplido senón comprobádeo) ven de facer entrega duns premios a varios blogs, entre os que ten o gusto de encontrarse A Lareira Máxica, galardoada cun dos premios Paracelso 2008. Gracias, amigo Toupeiro. O premio fago extensible a todos aqueles que participan facendo artigo ou comentarios neste blog de temática mixta e espíritu colectivo.
A verdade é que o premio, aínda que sexa simbólico, anima a continuar, a seguir aí, a pesares de que ultimamente non podo adicarlle o tempo que un quixera. Pero na vida hai prioridades máis importantes e o blog non deixa de ser unha maneira de levar adiante o lado de xornalista dun servidor, profesión que me gusta moito e na cal hai uns anos que non traballo, pero que adoro. GRACIAS A TOD@S por colaborar e estar aí, en especial a Toupeiro por este premio otorgado. MOITAS GRACIAS!
O verán xa chegou. Hoxe é o día máis longo do ano en canto á luz do sol. Celébrase o solsticio de verán. E pola noite encéndense, un ano máis, as fogueiras de San Xoán. Noite máxica (máis información neste enlace. Unha tradición moi antiga moi arraigada.
A mágoa é que coa chegada do verán, Sanxenxo, o meu pobo, inúndase de veraneantes. Porque son iso veraneantes, non turistas. Acabouse a tranquilidade. O verdadeiro encanto (a parte das boas praias sanxenxinas e a beleza do istmo de A Lanzada) é que é un pobo pequeno, tranquilo, que ten monte e mar.
Temos unha poboación de 17.000 habitantes que nestes vindeiros seica se triplica por 5 ou 6. Demasiada xente para un pobo tan pequeno. Iso réstalle encanto a Sanxenxo, agás que busques multitudes. Se en vez de vir toda no verán viñese repartida durante todo o ano mellor sería para tod@s, sobre todo pensando na xente que vive da hostelería ou dos ingresos dos veraneantes, que non turistas (os turistas non so virían no verán).
Pois como o verán xa chegou, nada mellor que esta canción de Megalo: "El verano ya llegó"... Ah, e non vos queimedes saltando a fogueira de San Xoán hoxe pola noite que o que se comen son sardiñas non churrasco humano...
A historia recente e a non tan recente xogaba en contra de España. A selección non superaba os cuartos desde hai tempo. E nun 22 de junio, data maldita, sempre quedaba eliminada. A iso, había que sumarlle que nesta Eurocopa tódolos campións dos outros tres grupos quedaron eiminados contras os segundos nos cruces de cuartos. E, curiosamente, os campións fixeran pleno de victorias na primeira fase e desplegaran un bo fútbol....
A historia quedou atrás (e que o siga facendo). POR FIN!!! España,de momento, mudou a súa faciana e pasou de cuartos nun 22 de junio. Espléndido partido de Silva, Senna e Iker Casillas (Decisivo na tanda de penalties, parando dous dos catro lanzamentos dos italianos). Iso sí vencemos con sufrimento e nos penalties. Pero PASAMOS. So un pero: os futbolistas españoles enfurruñáronse en atacar polo medio case todo o partido, desbotando o desborde polas bandas. Ougallá sepan rectificar contra Rusia, o rival en semifinais. Na fase de grupos gañámoslle 4-1, pero OLLO, que nese partido non xogou a súa estrela Arshavin (menudo partidazo fixo contra Holanda). Vai ser un partido moito máis difícil desta vez. E creo que nos van xogar con tres defensas centrais co obxecto de atascar o ataque de España. Hiddink é un gran estratega e amosouno o pasado sábado.
A CLAVE: Se a España non se lle sube moito o triunfo ante Italia e pelexa o partido ante Rusia e usa as bandas, ten moitas posibilidades de pasar. Pero non o vexo claro. As seminfinais están servidas: ALEMANIA-TURQUÍA (Mércores 20:45) e ESPAÑA-RUSIA (Xoves 20:45). Por fútbol merecerían gañar España ou Rusia, pero quen sabe...
Ougallá España chegue á final e a gañe, pero non vai ser doado. Sorte!!!
¿Gañaralle España a Rusia? Opina.
