** ¿E hoxe que temperatura vai facer? ¿Que toca?

O mundo está tolo, tolo, tolo era o título dunha afamada película. Permitídime que parafraseando este título manifeste -seguro que tod@s estaredes dacordo- O TEMPO ESTÁ TOLO, TOLO, TOLO. O domingo pasado Sanxenxo, entre outros sitios, parecía sumido en pleno inverno. Semellaba que o domingo 22 era un día de temporal invernal con tanta choiva e mal tempo que había. Hoxe, apenas unha semana despois, parece que estiveramos no Sáhara, con temperaturas que superan os 30 grados. Onte sen ir máis lonxe, destas horas facían 29 grados. Durante o día pois máis, claro está. Hoxe tres cuartas parte do mesmo e mañán igual. O martes parece ser que baixa algo a temperatura do "cocido" ou do "frito". Estes días xa non fai falta fritir os ovos, as patatas, a carne, porque para frititos xa estamos todiñ@s nós....Levádeo con ánimo. Dicía un filósofo que "en el medio está la virtud". Pois si, eu non quero nin asarme nin morrer de frío. Está ben a calor, pero que se poida soportar!!!!.

Carpe Diem

---

ARTIGO ELABORADO POR: Julio
Coordinador de A Lareira Máxica

** Barcelona 92, a lembranza 15 anos despois.....

E ntre apagóns, Barcelona celebrou onte no Estadio Olímpico de Montjuic o 15º aniversario das Olimpiadas de Barcelona 92. Parece mentira, pasaron 15 anos desde os xogos olímpicos celebrados nesta cidade española. Aínda lembro como se fora os lolailos do grupo multiculor (polos traxes) de Los Manolos, aquel bicho raro chamado "COBI" ¿que animal esperpéntico sería?.....

Cantas medallas, cantos lembranzas. Hai dous anos estiven en Montjuic, e visitei tódalas instalacións.....De cerca todo parece máis pequeno. Por exemplo o estadio olímpico, so seu pebetero e sere reloxio e todo o campo..... Calquera diría que alí houbera tanta xente. E lémbrome da ceremonía de presentación, naquel xulio de 1992. E lembro a de despedid en agosto dese mesmo ano, coprotagonizada polos lolailos....E o gran espectáculo de Els Comediants...

E como non, lembro cando Antonio Rebollo encendeu o pebetero...Bueno, el non fora, porque a frecha caera por detrás do estadio. Onte, na intimiade, con menos xente, voltou a encendela. 15 anos máis vello e acompañado dun deportista nado tal dia como onte. Paradoxas da vida. E estes días a chama outrora olímpoica estará encendida a determinadas horas para lembrar esta efeméride.....

¿ E ti que lembras ou que facías naqueles meses de Julio e Agosto de 1992, cando España era o ómbligo do mundo deportivo ?

---

ARTIGO ELABORADO POR: Julio
Coordinador de A Lareira Máxica

** Deteñen en Portugal a "El Solitario"

A boa nova deste día para min foi a captura de "El solitario", o ladrón de bancos que se movía por toda España e que incluso matou a varias persoas. Atracaba sempre á última hora antes de pechar os bancos e caixas de aforros. Empregaba disfraz. Conseguírano grabar moitas veces pero non o daban recoñecido. Hoxe detivérono en Portugal cando se dispoñía a atracar un banco na localidae de Figueira de Foz. O suxeito en cuestión é veciño do barrio madrileño de Las Rozas e parece ser que foi unha chamada á Policía quen alertou da súa presencía en Portugal. Logo de varios anos trala súa pista é sen dúbida unha boa nova a súa detención. Noraboa ás persoas que informaron do seu paradoiro e ás policías española e portuguesa!!!
Se queredes máis información sobre esta nova, premede aquí ou neste outro enlace

---

ARTIGO ELABORADO POR: Julio
Coordinador de A Lareira Máxica

** Elección da canción do verán 2007 en A.L.M.!!!

C hegou o día D e a hora H, a intriga de A Lareira Máxica resólvese. Ó terceiro día velaquí tedes a solución, de qué vai todo. Imos elixir entre tod@s a canción do verán 2007. Dicir entre tod@s é iso ENTRE TOD@S.

A canción do verán é algo que en moitos lugares se elixe cada ano. En realidade, non son partidario de que so haxa unha canción do verán, porque unha cousa é que unha sexa "a máis escoitada" e outra cousa distinta que sexa a que lle gusta a maioría da xente. Non debemos deixarnos asolagar polo que nos din ou o que nos pretenden impór. Así que, ante todo, quixera sinceridade. Non importa que a canción que vos guste a vós sexa ou non a máis escoitada. O que si me importa e que opine a maior cantidade posible de persoas. Incluso se pode votar a máis de unha. Vai haber 3 fases....

...Ampliar/recoller resto do artigo [ +/- ]

1ª Fase: desde hoxe día 20 ata o 30 de xullo de 2007: Nela todos aqueles que queirades e ás veces que queirades podedes propoñer tódalas cancións que consideredes merecen estar nesta lista de mellores cancións do verán 2007. Tódolos estilos musicais teñen cabida na elección. INSISTO: podedes votar máis dunha vez. A maneira será mediante comentarios. Podedes aportar varias en cada comentario cada un de vós. As 10 máis nomeadas pasarán á seguinte ronda. Nesta fase partirán tódalas cancións con 0 votos.

2ª Fase: do 1 ó 15 de agosto de 2007: Teranse que votar so ás 10 cancións máis propostas na anterior fase. Unha mesma persoa poderá votar as veces que queira polas cancións que máis lle gusten. As 5 maís votadas pasarán á gran final. Nesta fase partirán con 0 votos todas.

3ª Fase: do 17 ó 31 de agosto de 2007: Nela votarase á canción favorita. So un voto por vez. O 1 de setembro proclamarase a canción vencedora.

APUNTAMENTOS:

1- Estas bases poderán modificarse en función da participación das persoas nestas votacións. Corresponde ó coordinador do blog (ou sexa, un servidor) decidir os cambios ou dúbidas que poidan xurdir, se ben tod@s vós podedes aportar ideas ou suxerencias. Se se observa unha baixa participación, as votacións poderán cancelarse e anular esta iniciativa.

2- Teñen que ser cancións recentes. Non valen cancións doutros veráns, se ben serán aceptadas versións de temas "antigos", sempre e cando haxa algunha novidade claramente apreciable na letra, música ou nas persoas que a interpretan. Valen tódolos estilos de música, sempre e cando a canción sexa moi escoitada neste verán (incluso se xa soaba uns meses antes do verán)

3- No caso de que o número de cancións elixidas na primeira fase sexan menos que 10, pasarán todas á segunda fase. O mesmo para a gran final: poderán pasar menos de 5 se houbese menos propostas.

4- Se houbese menos de 5 cancións na primeira fase (agardo que non!!!) pasarán todas á gran final directamente, adiantándose ésta e sendo durante todo o mes de agosto.

5- Para dotar de maior lexitimidade esta elección, pregaríavos que animásedes a tódolos coñecidos a participar na votacións.

6- Para votar pódese usar o nome real, un alcume ou de xeito anónimo (algo que detesto, mellor poñer un nome calquera antes que poñer anónimo). Neste punto é PRECISO RECALCAR QUE diversas persoas teñen problemas para facer comentarios en A Lareira Máxica por un motivo: tras facer o comentario, hai que marcar primeiro: outros e poñer o alcume ou nome real (a páxina web pode deixarse en branco se non se ten) ou marcar anóninmo se non se quere optar pola anterior forma. Da problemas e non deixar facer comentarios ás veces por dous problemas: ou ben porque blogger está caído, ou ben porque se pon o nome na casilla primeira que pon BLOGGER (so se pode usar esta opción se é un usuario rexistrado de blogger cun blog) e logo vóltase a esribir o nome na opción "OUTROS". Se non se borra antes na casilla de BLOGGER pois non deixa publicar. De todos xeitos, calquera dúbida, facédema chegar polo mail.

7- Non haberá premios nin para as cancións ou ou seus cantantes (non temos cartos!!! e somos pobres!!! e eles ric@s!!!). Vamos que isto so é unha forma de pasar o tempo e elixir á canción do verán 2007 entre os lareireiros (simpatiznates de A Lareira Máxica).

8- Calquera dúbida que poida xurdir, resolverase no mail do blog: alareiramaxica@gmail.com.


---



SO VÓS PIDO UNHA COUSA: participade, por favor, creo que non é moito non? GRACIAS DE ANTEMÁN.

Para quedar máis visible e elección da canción do verán 2007, reservarase o principio do blog para situar esta enquisa, e ser visible nada máis acceder a A Lareira Máxica. Moita sorte a tódalas cancións!!!!!!!

---

ELECCIÓN DA CANCIÓN DE VERÁN 2007 proposta por Julio
Coordinador de A Lareira Máxica