SAN XENXO . Julio Torres (Artigo adicado a tódol@s compañeir@s de promoción de Traballo Social) 14 anos quedaron no saco dos olvidos...
Publicacións
Todos os comentarios
23 xaneiro 1918 Créase a Asociación de Prensa de Ourense, da que forman parte xornais que incorporan a nosa lingua nas súas páxinas.
26 xaneiro 1826 Nace en Lugo Manuel Soto Freire, un dos principais editores galegos do século XIX.
26 xaneiro 1957 Ángel Aller láiase, en carta dirixida ó propio autor Blanco Amor, do feito de que a obra A esmorga topase coa oposición da censura franquista (polo que se acabaría publicando no exilio americano en 1959). 01xaneiro-26 1972 Créase o Instituto de Estudos Ourensáns Padre Feijoo, que leva o nome dun dos Ilustrados galegos que máis defensa fixo do idioma galego.
27 xaneiro 1924 Comeza a editarse en Vigo o xornal El Pueblo Gallego, que contou coas colaboracións de moitos escritores galegos e galeguistas, entre eles Xulián Magariños Negreira, que era o correspondente de El Pueblo Gallego na comarca barcalesa.
27 xaneiro 1978 O xornal en galego A Nosa Terra, o único da democracia redactado integramente na nosa lingua ata a aparición d'O Correo Galego, comeza a súa nova andaina en Galicia, despois da etapa americana de posguerra da cabeceira co mesmo título.
27 xaneiro 1999 Falece en Salamanca o escritor ferrolán Gonzalo Torrente Ballester, con 88 anos, quen tamén cultivou (aínda que moi minoritariamente) escrita en galego. Un dos seus estudosos máis salientables é o profesor de Logrosa, José Antonio Ponte Far.
28 xaneiro 1731 Realízase a primeira sesión da chamada Academia Literaria Compostelá, que tiña de presidente a Pablo Mendoza de los Ríos.
28 xaneiro 1841 Fúndase a Academia Literaria de Santiago, da que son socios constituíntes o xornalista galeguista Antolín Faraldo e os seus irmáns.
28 xaneiro 1930 Morre o poeta vangardista rianxeiro Manuel Antonio, un dos autores do manifesto ¡Máis alá!.
28 xaneiro 1950 Publícase o derradeiro número do Suplemento del Sábado de La Noche, que tras a longa paréntese de silencio da posguerra comezara a incorporar o idioma galego nas súas páxinas.
29 xaneiro 1899 Nace o escritor Rafael Dieste en Rianxo.
Vaia para A LAREIRA MÁXICA este pequeno recanto de referencias literarias.
Trata especialmente sobre a edición de novidades de libros galegos. Nestas ligazóns que van de seguido non só hai referencias ás publicacións recentes: tamén atoparedes axendas de actos, críticas de obras literarias, convocatorias de certames, novas bibliográficas e biográficas... Velaquí pois esta breve listaxe -non exhaustiva, máis ben só básica- para quen sintades esa curiosidade e teñades paciencia para ir "pinchando" e coñecendo o moito que aquí se nos conta:
-ASOCIACIÓN GALEGA DE EDITORES: http://www.editoresgalegos.org/gl/inicio
-ANDEL VIRTUAL: http://www.andelvirtual.com/
-ASOCIACIÓN DE ESCRITORES EN LINGUA GALEGA: http://www.aelg.org/
-BIBLIOTECA VIRTUAL GALEGA: http://bvg.udc.es/index.jsp
-CRITICALIA: http://armandorequeixo.blogaliza.org/
-FERVENZAS LITERARIAS: http://www.fervenzasliterarias.com/
-LG3: http://www.culturagalega.org/lg3/
¡TEMOS QUE APOIAR O SECTOR DO LIBRO -NOMEADAMENTE O MUNDO DO LIBRO GALEGO- POR SER UNHA INDUSTRIA CULTURAL ESENCIAL PARA UN PAÍS!
E OS TEMPOS TENSOS QUE VIVIMOS TAMPOUCO SON NADA OPTIMISTAS NIN REPOUSADOS PARA A LECTURA E PARA O MERCADO EDITORIAL.
En fin: lembremos nesta noite ("escura e bretemosa"...) dúas citas dos clásicos:
* "Se preto da biblioteca tendes un xardín xa non vos faltará de nada" (Marco Tulio CICERÓN). 106 a.C.- 43 a.C.. Escritor, orador e político romano.
* "Sempre imaxinei que o Paraíso sería algún tipo de biblioteca" (Jorge Luis BORGES). 1899-1986. Escritor arxentino.
14 xaneiro 1931 Vicente M. Risco escribe no xornal vigués El Pueblo Gallego: «A galeguización da escola aínda ha costar traballo cando Galiza seña autónoma».
15 xaneiro 1880 Primeiro número de El Zumbido, periódico semanal aparecido en Noia.
15 xaneiro 1910 Primeiro número de Acción Gallega, revista quincenal, voceiro do movemento agrarista homónimo, impulsada por Basilio Álvarez, o crego e líder agrario de Beiro (Ourense).
15 xaneiro 1978 Primeiro congreso da organización nacionalista Estudantes Revolucionarios Galegos (ERGA), no que se aprobaron o programa e os Estatutos, e que fora creada no curso 72/73 na Universidade de Santiago para impulsar a entrada do galego no ensino.
16 xaneiro 1994 Ve a luz Lecer, primeiro caderno dominical estable en idioma galego, inserido nas páxina d'O Correo Galego.
18 xaneiro 1903 Preséntase oficialmente na Coruña a Escola Rexional de Declamación, poñendo en escena a obra ¡Filla…! de Galo Salinas.
18 xaneiro-18 2002 Falece o escritor padronés Camilo José Cela, premio Nobel de Literatura, que cultivou tamén (inda que só ocasionalmente) a lingua galega na súa escrita.
19 xaneiro 1899 Nacemento en Ourense de Sebastián Martínez-Risco Macías, que foi presidente da RAG en 1960.
19 xaneiro 1930 Nace en Parada de Moreda (O Courel) o poeta Uxío Novoneyra.
19 xaneiro 1931 A Real Academia da Historia emite un informe sobre a orixe e significado da bandeira galega.
20 xaneiro 1994 Xosé Neira Vilas presenta a tradución ó galego d'O Camiño de Santiago, orixinal do escritor cubano Alejo Carpentier.
21 xaneiro 1900 Nace en Maceda (Ourense) Fernando Quiroga Palacios, primeiro cardeal de Compostela que celebrou unha misa en lingua galega.
21 xaneiro 1908 Manuel Lugrís Freire participa noutro mitin no que utiliza, novamente, o galego, o que segue a ser sorprendente para moitos, polo pouco habitual, nesa época. Xa o fixera antes, o 6 de outubro de 1907.
21 xaneiro 1980 Falece en Compostela o xornalista vilalbés Xosé Luís García Mato, quen ás veces empregou o pseudónimo «O Guedelliñas».
22 xaneiro 1856 Nace en Lugo Aureliano J. Pereira, escritor, xornalista e político do Rexurdimento. Ás veces atópase este nacemento incorrectamente datado en 1855.
22 xaneiro 1932 Ve a luz Faro villalbés, publicación quincenal que lles dará cabida a informacións e colaboracións en galego.
Trátase de irmos seguindo día a día o presente ano 2012 e compartillando acontecementos relevantes, relacionados coa lingua e a cultura de Galicia, ó longo dos tempos. Así queremos contribuír con esa campaña que puxo en marcha RADIOFUSIÓN e que leva por nome VITAMINAS PARA O GALEGO!, axudando así a poñer en valor a nosa cultura cunha voz propia, no medio da polifonía das culturas do mundo.
