** O F.C.Barcelona, campión da Copa do Rei de baloncesto

SAN XENXO. Julio Torres

---

O F.C.Barcelona de baloncesto conqueriu hoxe a súa 21ª Copa do Rei de básquet ó imporse na final ó Real Madrid por un resultado de 80-61, diferencia que chegou a ser de 28 puntos. O Barcelona -que este ano ten un equipo moi completo e equilibrado- non deu nunca opción ó equipo merengue. No que vai de tempada, xa gañou a Supercopa de España(tamén fronte ó Madrid) e é un dos grandes favoritos para alzarse tanto coa liga ACB como coa Euroliga, pero gañalas non vai ser tarefa doadas.

Cómpre salientar que é a terceira vez que o equipo culé se impón ó madridista. Amais da referida Supercopa, tamén lle venceu en Madrid no partido de ida da liga regular por 22 puntos de diferencia.

O F.C.Barcelona so perdeu ate o de agora tres partidos, todos por un punto, diante do Gran Canaria e Valencia na liga ACB, e diante do Partizán, logo dunha última acción moi dubidosa (na que os colexiados tardaron 15 minutos en resolvela a prol do Partizán).

Ricky Rubio, Juan Carlos Navarro, Pete Mckeal, Morris (nome que fai lembrar a un gran xogador azulgrana da década dos 80: Audie Norris), Fran Váquez (galego e elixido mellor xogador da final), Lorbek, Grimau, Sada, Basile, N`Dong, Lakovic e Trías son os integrantes deste gran equipo adestrado por Xavi Pascual. Un plantel cheo de figuras, que tamén sabe xogar moi ben en equipo. Aí radica o seu éxito.

** "Y sin embargo..."

SAN XENXO. Julio Torres

---

Os "pero" ou os "sin embargo" casi sempre vaticinan algo menos agradable ou desagradable. Pero - e isto non é nada desagradable - o artigo de hoxe colle a palabra "sin embargo" non para queixarse nin traer nada negativo. Non. Estas dúas palabras con connotación negativa traen a A Lareira Máxica un zumo de aire nostálxico e evocador. Un zumo froito de mezclar nun so programa a Guillermo Summers, Ignacio Salas e a Pastora Vega. ¡Qué dicir destas tres persoas!. Centrareime nos dous primeiros.

Na década dos 80 os tres facían un programa que se chamaba: "Y sin embargo, quiero", no que o obxecto de adoración era repasar o contido de alguén que, co paso dos anos, se multiplicou pero para pior. Algo así como aquela película dos Greenlins. Había unhas normas, lembrade: que non lle dera a luz, non darlle auga, non darlle de comer logo de medianoite. Ben, nalgún momento, algo disto debeulle pasar á televisión, que se multiplicou pero para ser un contedor de lixo e non precisamente ecolóxico.

Centrándome no obxecto e persoas de recordo, quixera quitarme o sombreiro ante o dúo Ignacio Salas e Guillermo Summers. Sempre me gustou o seu humor. Hai anos que desapareceron da escena televisiva, o seu hábitat natural moitos anos. "Y sin embargo, te quiero" (no que repasaban a programación televisiva), ou "Si te he visto no me acuerdo (zapping de televisión en clave de humor) foron dous dos programas que realizaron. Os últimos traballos que lles lembro foron aquelas campañas publicitarias dunha famosa marca de coches francesa, na que escenificaba o "Olimpo de los Dioses". Un humor intelixente, con xesto serio, pero enriquecedor (velaquí outro "pero" positivo) que nos despertaba amables gargalladas. Sempre me gustou aquela xente que fai rir dicindo cousas graciosas sen perder a templanza de seriedade. ¿Humor inglés quizás? Non sei, pero Guillermo e Ignacio, Ignacio e Guillermo son dous monstruos do humor, poida que de guión, pero uns xenios. Xa non nos vemos na pequena pantalla nin en anuncios publicatarios (os anos quizais non perdoen, non sei), pero sen embargo, (pero ¿os "pero" e os "sen embargo", non eran negativos?), sen embargo queréselles pol seu bo facer. Que agradables e entretidas momentos nos fixeron pasar estes dous (tres, cando os acompañaba Pastora Vega).

Fragmento e cabeceira de "Y sin embargo, te quiero"



Fragmento do programa "Si te visto no me acuerdo"


RECOMENDACIÓN: Visionade os vídeos enteiros, vale a pena recordar bastantes momentos, persoas, programas e música que neles se recollen.

** A Frase Máxica....Imaxinación ó poder!!!

" A imaxinación é máis importante que o coñecemento "

---

Albert Einstein

** A natureza en movemento

---

FOTOS REMITIDAS POR: Patricia Loureiro
Colaboradora de A.L.M.