** Tele 5 emite en diferido a clasificación de F-1 en Canadá !!

Telecinco tomounos o pelo a tódolos españois e emitiu en diferido, na tarde deste sábado, a clasificación para o Gran Premio de Canadá que se disputa mañán domingo.

As probas tiñan que empezar ás 19:00 horas (horario de España), pero a canle privada programouna e emitiuna ás 19:45 horas. A min estrañábame que fose a esa hora porque sabía que era ás 7 da tarde. As 19:10 entrei en internet na edición electrónica dos xornais deportivos e... SORPRESA, SORPRESA: estaban informando ó minuto das probas de clasificación do Gran Premio de Canadá, que XA PRINCIPIARAN. A propia web de Telecinco, igual que outras webs, sí estaban informando desde as 19 horas do que estaba a pasar nas clasificacións.

As 19:30 Telecinco iniciou a retransmisión facendo unha presentanción do Gran Premio, para as 19:45 (45 minutos despois do seu verdadeiro inicio) empezar a emitir as probas de clasificación EN DIFERIDO. En ningún momento dixeron que fose en directo nin en diferido, iso si, pero ¿por qué emitilo EN DIFERIDO sabendo a gran aficción que existe en España á Fórmula 1???. Unha auténtica tomadura de pelo. Menos mal que internet permite ver canles doutras televisións estranxeiras en directo. E alí si puiden seguilo en directo.

Este ano é o último de Telecinco cos dereitos de emisión do Mundial de Fórmula 1. Ata o de agora fixérao moi ben neste deporte. Hoxe fallounos. ¿Por qué?. A partir do vindeiro ano será La Sexta quen o emita. Esperemos que nos repete máis que hoxe Telecinco.

Por certo, Fernando clasificouse en cuarta posición. Sorte para mañán Fernandinho!!!

---

UN ARTIGO-OPINIÓN ESCRITO POR: Julio Torres
Coordinador de A Lareira Máxica

** De ciclos, clases de amizades e a vida mesma

" La verdadera amistad es planta de lento crecimiento que debe sufrir y vencer los embates del infortunio antes de que sus frutos lleguen a completa madurez "
George Washington

A vida está chea de ciclos. Ningún é eterno. Ningún. Todo principia e todo remata. Hai ciclos bos, cheos de alegrías e bos momentos que desexarías que nunca tivesen acabado. Outros, por contra, son de sabor amargo e ulen a ocre oxidado e envelenado, son feras encerradas nunha diminuta xaula sen pechadura certa e aparente desexando fuxir.

Nos ciclos bos é fácil atopar "xente amiga". Nos malos é cando @s que verdadeiramente lle importas, están aí, ó teu lado: sufren contigo, saben escoitar e danche folgos. Eses son @s AMIG@S. Neses intres dorosos, duros e bilariados cribas os que eran "persoas amigas" e os que eran amigos de verdade. Os últimos son para toda a vida. Non entenden de ciclos. A "xente amiga", so o é namentres sopre vento a favor e se navegue a toda vela, duran o que dure ese ciclo pero vanse cando o barco encallou e divisan terra firme.

A vida está chea de ciclos. Antes ou despois deben rematar. Lei de vida. Como a vida mesma. Ningún tesouro recompensaría á sincera amizade do amigos de verdade. Proba a tentar pórlle prezo. É algo impagable. Hai que saber diferenciar as herbas malas das frores. O demais son contos...

Lembra: A vida está chea de ciclos. Ningún é eterno. Todo principia e todo remata...

---

Adicado a tódolos AMIG@S dun servidor. Aqueles/as que vale moi moito a pena.

---

---

UNHA REFLEXIÓN by Julio Torres
Coordinador de A Lareira Máxica

** Eva Hache presenta hoxe o seu último Noche Hache

Sen Eva Hache , Noche Hache non será o mesmo. Hoxe, despídese a terceira tempada do programa do late-night de Cuatro, a cadea de PRISA que emite en aberto. Noche Hache é un dos programas buques insignia desta canle xunto con El Hormiguero e algún outro.

Hai uns días Eva Hache anunciou que o vindeiro ano non continuará en Cuatro. Parece ser que o programa seguirá, con outro nome, pero en horario de serán e pode que sen presentador/a. Con ela despediranse os GUIÑOLES, aqueles que tantos bos momentos nos fixeron pasar cando se emitían en Canal + en aberto a iso das 21:50 horas. Logo foron inxusttamente relegados á medianoite. Craso erro. Se total so duraban poucos minutos, eran moi entretidos e a hora na se emitían era a idónea...Outra grande perda.

Eva Hache é divertida e práctica humor fresco e intelixente (ela foi a precursosa da versión orixinal subtitulada en clave de humor). Imos añorala o vindeiro curso televisivo. Hoxe é o derradeiro programa que presentará en Noche Hache. Unha mágoa. Ougallá te voltemos a ver na t.v. axiña. Para algo bo que poñen...Iso sí, estaría ben que os bos programas os puxeran máis cedo. Así non se poden ver.

Por certo, Noche Hache era un dos poucos programas que quedaban dos inicios de Cuatro en Novembro de 2006. Ese honor recaerá agora EXCLUSIVAMENTE en "Cuarto Milenio". Gran cambio de parrilla (para ben e para mal) desta xoven cadea.

---

UN ARTIGO-OPINIÓN ELABORADO POR: Julio Torres
Coordinador de A Lareira Máxica

** Crónica dunha morte anunciada. Versión Sexta

"El día que lo iban a matar, Santiago Nasar se levantó a las 5:30 de la mañana para esperar el obispo. Había soñado que atravesaba un bosque de higuerones donde caía una llovizna tierna, y por un instante fue feliz en el sueño, pero al despertar se sintió por completo salpicado de cagada de pájaros..."

Así principia a novela "Crónica de una muerte anunciada" dun dos meus escritores favoritos. Algún día falarei del, ou de Aureliano Buendía. Quen sabe. O asunto é que hoxe traio a colación esta cita deste literato e escritor por outro motivo.

Parafresando a G.G.Márquez poderiamos dicir que: "El día que lo iban a matar, Rodolfo Chiquilicuatre, se levantó...". Sí, era a crónica dunha morte máis que anunciada. A deste personaxe creado pola factoria de El Terrat, a productora que dirixe Andreu Buenafuente, e quen produce o seu programa de ligth nigt en la Sexta (Antes en Antena 3).

Cando crearon o personaxe de Rodolfo so era para mofarse de Eurovisión e, de paso, divertir ós incondicionais de Buenafuente. A persona elixida foi David Fernández. El daría vida a un daquela desoñecido Rodolfo Chiquilicuatre. Hoxe, este ficticio personaxe despídese da vida. Vai morrer, como antes o fixera "El Neng" da man de Edu Soto. Todo personaxe ten un ciclo, e o de Rodolfo xa chegou. A súa defunción producirase no programa de hoxe. Ou así está anunciado desde hai uns días.

A morte da personaxe é lóxica. Cumpriu o seu obxectivo con creces. O Festival de Eurovisión xa pasou. Nunca se imaxinaron que irían. Ou iso penso. Era unha pseudo-canción. Non era tema para gañar. So para burlarse dos texe-manexes políticos de Eurovisión, un festival que hai tempo que perdeu o seu prestixio a pasos axigantados, especialmente nos últimos anos coa incorporación de multitude de países do Este Europeo, gran parte escindidos doutros máis grandes como a antiga U.R.S.S. ou da Yugoslavia. Para cumprir o obxectivo de burlarse de Eurovisión, sin dúbida, sí que era o representante axeitado. Para gañar, non. Pero, como xa se sabía que iso sería imposible pois afrontalo con humor e burla a min pareceume ben. So nese sentido.

Por certo, o outro día lembreime de Anabel Conde. ¿Algúen se lembra? Esta si que era cantante. Representou a España no ano 95 e quedou de .... 2ª. En cambio non triunfou despois. Cousas da vida.

En fin, que Rodolfo foi un personaxe que nos fixo rir a tod@s e que nos contaxiou un baile divertido. E demostrouse que gran parte de España ten humor. E iso, como xa sabedes, é moi importante na vida.

Hoxe David Fernández voltará a renacer e deixará de ser Rodolfo, a personaxe que o posuiu nos últimos meses. Chapeau polo humorista David Fernández e polo ben que o fixo. Ah, o de quedar 16º no Festival, tendo en conta que non era cantante, pois foi un resultado honroso (incluso por riba doutros representantes españoles dos últimos anos...).

Descanse en paz, Rodolfo Chiquiluatre. "Perrea, Perrea!!! Y el chiki, chiki se baila así..."

¿E vós que opinades do "efecto Rodolfo"?

---

UN ARTIGO ELABORADO POR: Julio Torres
Coordinador de A Lareira Máxica