** 2007. Punto e final. 2008. Feliz ano!!!

Acabouse 2007!!! O ano esmorece entre os seus últimos alentos. Un 2007 no que pasaron moitas e variadas cousas. Unhas boas e outras malas, para variar. Cada ano por estas datas facemos acopio das cousas que pasaron, dos famosos que faleceron (entre outros este ano poderiamos citar a: Fernando Fernán Gómez, José Luis Coll, Luciano Pavarotti ou Nicolau Casáus). Un ano bo para moit@s e malo para outros. A música de tódolos anos...

Chegado o 31 de decembro sempre me lembro dunha canción de Mecano, titulada "Un año más" que pertence ó exitoso álbum do ano 1988 Descanso Dominical. Fai referencia ós 5 minutos antes das badaladas de fin de ano e cómo se lembra o que pasou nese ano.



Este ano 2007 que acaba tamén pasará a historia por moitas cousas. O outro día comentaba cun amigo unha: a do debate de liberdade de expresión xurdido a raíz dunha viñeta de humor publicada como portada da revista El Jueves que tod@s xa vístedes. Persoalmente, e sen entrar a valorar o contido da viñeta, creo que foi pior proibila que non telo feito. Déuselle aínda máis repercusión. O efecto boomerang... Sí, moit@s son o que opina o mesmo ca min....Pola importancia que adquiriu paso a por a imaxe, que colga de multitude de blogs..



¿E ti que recordos ou anécdotas te vas levar deste 2007? Lembremos deste 2007 as cousas boas que nos pasaron. Feliz 2008!!! ¿De que maneira o vas celebrar? . Lémonos no 2008. Agardo...

---

P.D.: Coidado nas estradas na Noite de Fin de Ano. Sentidiño e responsabilidade, please!!!

---

Julio Torres
Coordinador de A Lareira Máxica

** A Frase Máxica.....As últimas de 2007

" A ignorancia de moitos dálles poder a poucos"
Hiram Maldonado

---

" Cando os que mandan perden a vergoña, os que obedecen, perden o respeto"
Lichtenberg

---

" A porta mellor pechada é aquela que pode deixarse aberta "
Provervio Chino

---

" Non existe remedio contra o mal cando os vicios se convirten en costume"
Séneca

---

" Estudia o pasado e coñecerás o futuro"
Proverbio chino

** Con H de Humor e con R de Risa (e con A de Atraco)

NNun país que presume de ter unha Constitución que proclama a presunción de inocencia, como un dereito fundamental, dáse o visto bo a grabar cun canon económico que irá a parar as "maltreitas" arcas da SGAE certos dispositivos que poden almacenar música (pero que non teñen porqué usarse para estes fins) como teléfonos móbiles, discos duros, tarxetas de memoria,... ¿Será consitucional tratar ós españoles como culpables sen demostrar a súa culpabilidade? ¿Imos cara diante ou volvemos á época do feudalismos? E ollo, A UNS POR APROBAR O CANON E A OUTROS POR QUERERSE SUMAR AGORA Ó CARRO DO NON PORQUE LLES CONVÉN CANDO ANTES TAMÉN O APOIABAN...: Facenda xa hai unha, a outra, A DA SGAE non é máis que un organismo privado, lexítimo, pero cuns límites. Agora so faltaría que voltase o dereito de pernada........Se é que en certas cousas imos para atrás....

O paradóxico é que logo compras un cd e non podes facer unha copia de seguridade do cd (que por certo, están a precio do ouro) noutro cd virxe que tamén mercaste e que está gravado cunha certa cantidade económica a maiores porque xa daban por feito que o ías usar para iso. Entón ¿qué? Unha de dúas: ou quitamos as proteccións para que tódolos españoles poidan copiar libremente o cd que mercaron OU non cobramos o CANÓN. Pero ¿por que coformarse cunha soa cousa, podendo obter as dúas? TOTAL NINGÚEN VAI DICIR NADA... E podería seguir...

A ver: que cobren o canon, pero que llo cobren á xente que usa eses mecanismos dixitais para os fins que denuncia a SGAE. Iso si, que non llo cobren ó resto dos mortais españois porque XA SE DÁ POR FEITO QUE O VAN A USAR PARA ISO. PRESUNCIÓN DE INOCENCIA NON ERA UN DEREITO FUNDAMENTAL. Pero claro, é máis fácil e máis enriquecedor cobrarllo a tod@s e listo. ESTABLECEDE UN CANÓN XUSTO E NON XERAL!!!!! E NON VOS CONTRADIGADES NOS VOSOS ACTOS E NON INTENTEDES COBRAR UNHA COUSA E LOGO NON DEIXAR COPIALA. MENUDA JETA!!!!

Como diría Rosalía de Castro: MEXAN POR NÓS E DIN QUE CHOVE....

¿Ti que opinas desta canon da SGAE?

---

UN ARTIGO DE: Julio Torres
Coordinador de A Lareira Máxica

** Emilio Calatayud, un xuíz que rompe moldes

Envíanos Sonia uns vídeos sobre un famoso xuíz de menores de Granada Emilio Calatayud. Persoalmente a min é unha persoa que me gusta escoitala e que ten moita razón no que fala. Creo que non se pode dicir máis en menos tempo e de forma tan locuaz. Pero o máis importante, é que as súas sentencias son exemplares e buscan a reeducación do infractor. Un exemplo: que un menor participa nun botellón e ensucía un lugar. Castigo: limpar os restos doutro botellón, para saber o que lles custa ós barrendeiros limpar o que outros fan....

Oxalá outros xuíces foses tan vehementes, prácticos e se implicasen tanto como Emilio Calatayud. Recomendo que os vexades, cando menos os vídeos que nos enviou Sonia porque non teñen ningún desperdicio. Non é ningunha perda de tempo. Xusto o contrario. Logo de escoitalas gustaríame que opinarades sobre os asuntos que neles se toca. E son moitos. Insisto: estou totalmente dacordo con todo o que neles di Calatayud.

A maiores póñovos outros catro que pertencen o programa Línea 900 (por certo, o programa foi suprimido hai unhas semanas é que creo que debería ter seguido en antena porque abordaba temas de interés. Era un dos poucos programas que valía a penar ver).







¿Que pensades? Pero hai máis..... Tamén vos recomendo visionalos....

---

Vídeos do Programa Línea 900

---

Con todo o material videográfico, queda aberto o debate. Os temas e exemplos que se abordan nos vídeos creo que son moitos. Non teñades medo a opinar. ¿Gústavos a forma de actuar do xuíz? Si, non ¿por qué?

Carpe Diem
Julio Torres