** Despois da tempestade......máis tempestade

Non aquí non se cumpren os ditos: "Nunca choveu que non escampara" ni moito menos o de "Logo da tempestade chegou a calma". Non!!!. Se en Galicia, e sobre todo, nas provincias de A Coruña e Pontevedra non nos libramos: No verán lume por tódolos lados. No outono máis chuvioso que lembro, temporal tras temporal. Ata o de agora fora de choiva, pero desde onte por estas mesmas horas principiou o de vento, que remitiu a última hora da tarde , aínda que nestes intres parece que volta a soprar con forza o deus Eolo.
Onte pola noite estaba vendo a Gala 50 aniversario de TVE, e acababa de conectarme a internet, cando de súpeto... Ve-lo Artigo completo....
nun abrir e pechar de ollos marchouse a luz e voltou. Todo iso, en décimas de segundo. O PC, como podedes supoñer, apagouse "á machada". A luz voltou a marchar máis tarde e estivo indo e vindo de madrugada. E diredes vós.....¿e por qué o sabes? A resposta é ben simple, non pequei ollo en toda a noite. Os ventos parecían que ían levar a casa en calquera momento.....Na miña vida...E durou a madrugada, a mañán e parte da tarde.....


Por si fora xa pouco, a media tarde, coincidindo coa remisión un tanto do temporal de vento, fixo acto de presencia unha tormenta que, iso si, durou poucos minutos. O que nos faltaba. A choiva e o granizo, que tampouco se perdeu a "festa" completaron un "maravilloso" día 8 de decembro de 2008....

Logo escoitando os medios de comunicación, entérome de que chegaron a acadar os 160 km por hora. Non me estrana. O vento cebouse especialmente coas vilas costeiras, sendo a Costa da Morte unhas das zonas máis afectadas, pero non foi a única. Menos mal que hoxe non tiven que coller o coche, que senón ó mellor estaba facendo a crónica desde o alto dunha árbore...












Aínda coas inundacións nas provincias da Coruña e Pontevedra recentes (zonas como Vilagarcía, Arcade, Valga, Padrón,ou Ferrol, o tempo volta a cebarse connosco de novo. Agardemos que nos deixe en paz unha boa temporada e que todo volte á normalidade.

E o panorama dos vindeiros días non é moi tranquilizador. E menos vendo ó tempo na t.v. no que apenas se adivina onde queda GaliciaEn fin, que se hoxe falei de tempo non foi porque non tiña nada de que falar. Non. Todo o contrario. A este paso teremos que enviarlle a carta non a Papá Noel, nin ós Reis Magos. Non. Haberá que enviarlla ó deus Eolo. Iso, se antes non a ven a buscar e nos leva con el....Particularmente, prefiro a Papá Noel ou ós Reis Magos...¿e vós?

Carpe Diem e Noctem tamén (crucémos os dedos)

** Máis novidades.......

Proseguindo coa introducción paulatina de novidade en A Lareira Máxica, desde hoxe cada vez que pasedes o cursor sobre un link ou enlace, poderedes ter unha vista previa dese enlace ou link.
Sen saber moi ben porqué, a inclusión desta novidade provocou un pequeniño problema no acceso á páxina: de vez en cando ó entrar en A Lareira Máxia ou se lle dades a actualizar, pódevos saír unha ventana de Internet Explorer que alerta que non se pode cargar a páxina. A solución é fácil: darlle á aceptar e listo. Se en vez diso a cerrades, non poderedes cargar A Lareira Máxica. De tódolos xeitos, tamén tentarei investigar o problema.
------------------------------------------------------------------------------------
ACTUALIZACIÓN: Xa está solucionado. Agora xa non da error.

** QUE RABIA DA CANDO......!!!

Qué rabia da cando a xente non se digna contestar os mensaxes ó móvil.
Veredes, o pasado fin de semana envieille 2 mensaxes de móvil a dous bos amig@s para invitalos a ir ó teatro. A invitación foi feita a primeira hora da tarde e aínda sigo esperando pola resposta. Ningún dos dous (un home e unha muller por se é significativo) me responderon aínda.
E digo eu, será por aquilo de que cando non temos que dar a cara todos nos volvemos un... Ve-lo Artigo completo....
pouco máis deixados ou máis "maleducados" porque no fondo non hai outra palabra para calificar tal conducta. Indígnanme este tipo de actuacións. Precisamente moitas veces recurro os sms en lugar de facer unha chamada directamente porque me parece unha forma menos "violenta". Se os chamara para invitalos ó teatro poñeríaos na encrucillada de ou ben ter que aceptar a desgana para quedar ben, ou ben "forzalos" a buscar unha excusa para, de novo, quedar ben. Por iso precisamente recurrín o sms. E francamente, a parte da evidente falta de gañas de ir ó teatro, so se me ocurren outras duas razóns polas que non recibín contestación: devolver un sms é moi caro (os céntimos aínda que os poucos xa se sabe que van sumando) ou directamente teño dous maleducados por amigos.
O único que sei é que ......... qué rabia da ......


------------------------------------------------------------
ARTIGO DE: María
Colaboradora VIP de A Lareira Máxica

** O F.C. Barcelona vence ó Werder Bremen

O F.C.Barcelona clasificouse para os octavos de final da Champions Leaque de Fútbol. Logo do descanso, non houbo máis goles no Nou Camp, polo que o resultado final foi o mesmo: F.C.Barcelona 2 - Werder Bremen 0. En realidade, pódese dicir que o partido rematou na primeira parte. Na segunda parte, cun Barça relaxado e confiado, o Werden Bremen inquietou máis o Barça, dispoñendo de varias oportunidades, pero o Barcelona soubo defenderse e foi máis equipo.
Os goles foron obra de Ronaldinho (min.12), tras... Ve-lo Artigo completo....
lanzar unha falta directa ó borde da área do equipo alemán, por baixo, e de Eidur Gudjohnsen (min.18) tras rematar un centro do seu compañeiro Ludovic Giuly que, segundos antes, recibira o balón logo dun espléndido pase de Ronaldinho.

O Barça demostrou porqué é o campión a pesar de contar con numerosas baixas. Mención especial á labor feita por Giuly, Gudjohnsen e Puyol. Por certo, os dous primeiros fixeron unha espléndida xogada na primeira parte que deu co balón no pau da portería do Werder Bremen.