sábado, 14 de junio de 2008

** ¿Unha Eurocopa co mesmo guión español?

No segundo partido da Eurocopa de Suiza e Austria, España voltou a gañar. Se no primeiro encontro gañou por goleada a Rusia, desta vez os xogadores de Luis Aragonés sudaron o seu para impoñerse por 2 a 1 a Suecia. Os goles De España foron obra de Fernando Torres e de David Villa (este anotou no desconto un soberbio gol).

A min o partido non me gustou. España da a impresión de saber xogar se a deixan xogar pero de afogarse cando se pechan atrás e presionan ós seus atacantes. Doutro lado, estase a repetir o guión do Mundial de 2006: gañan o primeiro partido, fan o propio no segundo, xogan un terceiro intrascendente que tampouco perden, pero no primeiro cruce sucumben. Daquela foi en octavos e desta creo que vai a ser en cuartos (porque non hai octavos) e penso que, incluso, o cruce vai ser o mesmo: Francia. Ata o de agora o guión cumpriuse, esperemos que a partir de agora se rectifique para mellor e cheguemos, cando menos, ás semifinais.

Oxalá, por suposto, que me trabuque, pero a experiencia histórica dos últimos anos apunta todo o contrario.... ¿Vos ata onde credes que vai chegar España? ¿Con quen quedará elminada? ¿Opcións de gañar?

Unha anécdota curiosa: O estadio destilaba color a España, pois o vermello (dos afeccionados españois) e o amarelo (dos de Suecia) parecía un mosaico da bandeira española. Unha coincidencia...



UN ARTIGO-OPINIÓN ESCRITO POR: Julio Torres
Coordinador de A Lareira Máxica

0 comentarios feitos. Deixa o teu!!!!! :