jueves, 31 de agosto de 2006

** Hummm.....que gusto!!!!

- - - - - - - - - >>

** ...Falta 1 día para o gran momento


Como todo ten que chegar á súa fin....pois mañán saberedes o resultado deste "enigma". Varios de vós enviástedesme mails á lareiramaxica@hotmail.com ansiosos por coñecer de que ía tanto misterio. A todos vos respostei do mesmo xeito: SE LEDES OS ÚLTIMOS ARTIGOS PUBLICADOS NESTE PORTAL, acharedes a resposta, ou estaredes moi preto....
En realidade falta moito menos dun día para o "esperado" momento. En cuestión de horas saberese a solución ó "ENIGMA" e depexarase a "X"

miércoles, 30 de agosto de 2006

** Menos de 2 DÍAS...


Continúa a conta atrás....Xa so faltan 2 DÍAS (diría que algo menos) para o GRAN MOMENTO. ¿De que se trata? Se ledes ós últimos artigos de alareiramaxica pode ser que teñades unha idea do que pode ser, senón toca esperar para "despexar a X"

martes, 29 de agosto de 2006

** FALTAN 3 DÍAS para...


So restan 3 días.....O BO, como sempre, FAISE ESPERAR. ¿Qué será?

domingo, 27 de agosto de 2006

** Película: Listos para cortar!!!


Cada día faise máis difícil ver unha película na "caixa tonta" que representa a t.v. Xa non o digo pola máis que preocupante calidade dos títulos que se ofrecen nin polas repetidas reposicións. Neste caso quero referirme ó difícil que é ver unha boa película e facelo navegando no medio de tanto anuncio. Amais hai outras cuestións que me fastidian moito: facer cortes "á machada" para dar paso á publicidade, así como non respetar para nada os títulos de crédito finais das películas proxectadas...



Non é algo novo, senón que xa se ven producindo desde hai moitos anos, pero desde hai unha tempada para aquí a cousa acrecentouse,se cabe, un pouco máis. Ó meu parecer as canles deberían apostar por títulos de calidade, facer pausas de publicidade axeitadas tanto en calidade como en cantidade, e respetar os títulos de crédito finais (eses que nos falan de tódalas persoas que fixeron posible o filme e outras cuestións como coñecer de quen é a música, por exemplo).

Cando me refiro á cantidade e calidade das pausas refírome a:
** Cantidade: Non abusar de excesivos cortes publicitarios e da duración dos mesmos. Creo lembrar que xa bastantes anos aprobarase unha normativa europea que establecía as t.v´s so a posibilide de facer unha pausa de 15 minutos cada hora. Na práctica non se está a cumprir.

** Calidade: Facer os cortes aproveitando os espacios negros das secuencias das películas (imaxes negras que existen no vídeo da película e que están pensados para non cortar, precisamente, a película de calquera xeito). Calquera día veremos unha situación parecida: "¿Queres casarte conmigo'"//publicidade de 18 minutos//Desenlace da pregunta acerca do matrimonio.......Non vos riades que vai ser verdade, e logo diranche por riba que a contestación de tamaño pregunta está patrocinada por unha prestixiosa marca....


Outro dos aspectos que me cabrea e que tan pronto que aparecen os créditos finais as diferentes t.v.´s xa os cortan. Se algunha os deixa ata os 10 segundos creo que é todo un récord. Miren señores directores das canles: neses créditos hai informacións moi interesantes sobre a película que acabamos de presenciar: protagonistas ou música entre outros. A maioría da xente seguro que éste é o aspecto que menos importancia lle dea, pero non se debería. É como cortarlle as alas a unha galiña alegando que total non é as necesita porque non voa polo ceo. ¿Imxinádevos unha galiña sen ás???


O peor de todo é que todo isto é unha práctica que comenzaron as televisión privadas nos anos 90 (TELECINCO E ANTENA 3) e que nos últimos anos tamén empezaron a facer as públicas (véxas TVE E AUTONÓMICAS). Hoxendía na non hai diferencia entre públicas e privadas en canto a estas prácticas, ós cortes de publicidade ou, mesmo, ós espacios patrocinados.

Debería facerse unha normativa que proíba estas prácticas das canles que afectan á toda a programción en xeral, e as películas en particular. E se xa existe, facela cumprir.

Podería seguir falando e falando do tema, pero outra vez será.

Carpe Diem

NOTA: A cortinilla de corte de publicidade que puxen de TELE5 foi a que usou nos seus principios alá por 1990.

viernes, 25 de agosto de 2006

** Coleccións e máis coleccións

E a comidilla de tódolos anos. Desde finais de agosto podemos ver na na caixa "tonta" todo tipo de anuncios de coleccións: cursos de inglés, trens e coches en miniaturas, bonecas, series de t.v. ou debuxos animados, e moitos máis. Hoxe vin en menos de media hora 3 ou 4 catros destas coleccións distintas. Incluso hai unha de pezas dun reloj de cuco. O que non venda o markéting...
O curioso é que as estatísisticas din que a gran maioría dos que inician unha colección destas so mercan as primeiras entregas e logo non as rematan. Moita culpa de todo isto pode ser que as primeiras teñen un precio menor. Todo sexa para cautivar...

Pero ano tras ano repítense os mesmos artículos. Pouco varían. Os últimos anos vexo que, as editoriais e outras empresas que se adican a estas cousas, empezan a sacar coleccións no Nadal ou nas Rebaixas de Xaneiro ou nalgunha outra. Como di o famoso dito: "Eramos poucos e pariu a avoa", con perdón.


A min a que me interesa é a dos "mocos de pavo". Namentres non saia, non penso mercar as outras. Onde se poña un bo "moco de pavo" que se quite ó resto.....
Dáme que todas estas coleccións teñen un efecto e gancho psicolóxico para as persoas. Non deixa de ser curioso que sexa ó final das vacacións de verán, coincidindo cun novo curso escolar, académico, .... cheo de novos proxectos e intencións. O mismiño que cada Xaneiro. De aí que tamén se empecen á vender todos estes "inventos" ó mes de xaneiro.

¿Terá que ver algo a famosa "depresión postvacacional" en todo este marketing cheo de consumismo". Non sei, a min máis que deprimirme abúrreme e ata odio tantos coleccionables absurdos... Amais, as miñas vacacións empezaran xusto en setembro....Por certo, xa falta menos.

Desde aquí, e para @s amantes coleccionistas de despedidas, envíovos o meu de sempre:

CARPE DIEM


NOTA: Podían ter un pouco máis de tacto os que sacan o do coleccionable dos trens antigos, xusto agora que se produciu tan fatal accidente con mortos en Palencia. Xa sei que xa estaba proxectado e que é un negocio para o empresario, pero podían remedialo dalgún xeito ou, cando menos, retrasar o "relanzamento" desta "imprescindible e vital" colección de trens.

lunes, 21 de agosto de 2006

** Traxedia ferroviaria en Palencia



Logo duns días sen escribir, ía contarvos hoxe a miña opinión sobre a viaxe ás Illas Ons, pero a actualidade motivou un cambio. E é que non gañamos para desgracias. O tren que une Galicia co País Vasco descarrilou esta tarde en Palencia. Morreron 6 persoas e hai outras 2 moi graves e outras moitas graves ou leves. A Ministra de Fomento confirmou que o exceso de velocidade do tren foi a causa do descarrilamento.
(...)
Unha gran mágoa. Outra máis. Pero o dos trens ten delito. O raro, como dixeron moitas persoas logo da traxedia e que non teñan pasado máis traxedias iguais. Menos mal que non foi así.


Hai que facerse moitas preguntas. Desgraciadamente sempre se fan cando pasou unha desgracia e non antes. Tivo que acontecer este accidente e morrer 6 persoas (espero que o número non medre) para que salgan á luz pública os temores que moit@s temos. ¿De que falo? Falo, entre outras, de tres cuestións. O retraso dos trens, que fai que logo corran como tolos tentando recuperar o tempo perdido e, en segundo lugar, os vellos que están os trens (de curto e longo percorrido) e, como non, a necesidade de máis e mellores vías de tren (vías dobres,...).


Como estudiante, fun viaxeiro do tren Vigo-A Coruña varios anos. Ríame cando RENFE dicía que algo así como "sólo 2 de cada 100 trenes llegan con retraso". ¿A quen querían enganar? ¿Acaso os trens que chegaban con retraso eran sempre os que collía sevidor? Menudo cinismo que se gastaban e gastan os de RENFE!!!!!


Unha vez recordo que, como era norma habitual, uniran dous trens. De Santiago a Vilagarcía pararan varias veces. Non se sabía moi ben porque, ata que chegou á Portas e xa non puido continuar máis porque se averiara. Afortundamente non houbo ningunha desgracia humana, so unha avería técnica no "cacharro"


Non se pode consentir e tragar con trens anticuados, incómodos, vías que dan pena, retraros constantes e maquinistas suicidadas. Logo pasa o que pasa.Podería seguir falando, pero creo que os que viaxaron algunha vez de forma regular nos trens me entenderánn perfectamente e sobran comentarios logo do xa exposto.


Desde aquí o meu pésame ás familias das víctimas. Animalas a que lle pidan responsabilidades de todo tipo a RENFE. Porque tenas que haber e grandes. Non se pode tolerar que nun dos medios de comunicación máis seguros acontezan este tipo de accidentes, sobre todo cando a culpa a ten a velocidade excesiva derivada dun retraso do tren. Retasos que, por outro lado, acontecen a cotío e non excepcionalmente.

NOTA: Colguei algunhas fotos da catástrofe, sacadas de internet que, por desgracia, son arrepiantes e meten medo so velas.

martes, 15 de agosto de 2006

** As gaivotas: animais peculiares

Para min as gaivotas son unhas aves singulares. Xa sei que todas a son. Pero este paxaro é unha mezcla dunha pomba cun pato. O do pato tanto pola súa lonxitude como polo pico. Outros poderían establecer algunha outra semellanza... Son uns animais que despertan en min un sentimento ambivalente. Vexamos todo isto en profundidade

De sempre, ver voar ás gaivotas gustoume. Ilustran cos seus vos un ceo, enchendo de sonido e ambiente os pobos e cidades costeiras, aquelas onde se pode adiviñar o mar ó seu carón. Sentir unha gaivota é sinónimo de que o mar está moi preto, senón xusto embaixo.

A TVG adoptou nos seus anos,
hai 21 anos, unha gaivota na súa carta de axuste, e tamén foi o xérmolo do seu logotipo. Orixinariamente era unha pomba recollida. Hoxe xa non sei qué dicir. A gaivota é unha ave mariñeira, como gran parte dos pobos de Galicia, especialmente os das provincias de Coruña e Pontevedra.

Ata aquí todo ben. Ver voar ás gaivotas e escoitala ata pode relaxar (ou non, según como se vexa e como se sexa. Permítidime exercer de galego).

Pero a gaivota ten a súa vertiente negativa. É un animal carroñeiro, que se alimenta de desperdicios e outras cousas innombrables. Non sei como teñen tan bo aspecto por fóra sabendo de qué se alimentan....

Se alguén de vós foi, ou pensa ir, ás Illas Ons, nun dos estremos das Illas (o que está máis preto de O Grove ou da Lanzada, para que me entendades) hai un auténtico cementario clandestino de gaivotas. É un lugar onde morren ou van morrer. Cando tiven a oportunidade de velo, non me gustou nada. Non é que sexa para tanto, pero unhas cantas decenas de gaivotas si vin.

Se estás na praia, estas aves non se cortan en acercarse a ti. Aterrizan e pasean sen complexos, e van mirando de fronte en busca de algo que comer -supoño-. Unha mirada que desconcerta. Prefiro á das pombas, que son máis bonitas e non son carroñeras. Amais, soen ir en grupo, camiñando con paso firme, cual matonas...

No final do verán, é cando se atreven a toma-la praia, aínda que calquera día de verán a iso das 9 en diante, tamén toman o relevo dos turistas.


En definitiva, as gaivotas gústame velas no ceo, aínda a pesar de que tamén che meten varias cagadas que se apuntan ben, pois sen comentarios. Iso son gajes da vida, porque tamén fai o mesmo as pombas.

Non obstante, non me gusta velas na terra, chámese praia, por exemplo. Todos coñecedes o famoso dito popular aquel que se refire a unha persoa cando se ve na t.v.e cando se ve en persoa, cando se solta algo asi como "eres máis guap@ en persoa que na t.v.". Pois coas gaivotas ó revés. Prefíroas ver voando, que en "animal presente" (o equivalente animal de "en persoa") porque de preto desmerecen moito moitísimo....

É un simple comentario e paranoia miña.

Carpe Diem

jueves, 10 de agosto de 2006

** O lume dos terroristas


Antes de nada, quixera dicir que ultimamente non estou a actualizar a web a diario. Estamos en verán e xa se sabe... Sen embargo, teredes, alomenos, un mínimo dun artigo semanal. Hoxe recollo un alleo. É unha fermosa reflexión publicada o 8 de agosto pola xornalista María Varela no Diario de Pontevedra. Suscribo plenamente o que di María. Lédeo porque está moi pero que moi ben, e é moi gráfico. Noraboa María polo artigo. Os sentimentos e a realidade van na man no desgraciado tema dos incendios forestais. Ougallá tódolos pirómanos e incendiarios sexan apresados e encarceados.

ARTIGO LITERAL DE MARÍA VARELA (Diario de Pontevedra 08/08/2006)
Lagrimas secas
SANGRALALUNA.ENJUGA

La noche lágrimas secas.Sobre el mar arde una espesa niebla de carbón y cenizas. Y se asfixia el cielo.Mil lenguas de fuego avanzan sin tregua, de la mano de una mano criminal,empujadas por un viento que no sabe frenar, hacia todas partes. Las llamas abren a su paso una profunda herida en esta tierra, devorando cualquier resquicio de vida que encuentran en su camino, como si de un escenario de guerra se tratase. Quién conduce este ?prestige? que ataca nuestros mares más verdes. Y quién lo detiene. Qué red es capaz de recoger la marea negra que promete convertir en desiertos inertes nuestros bosques más frondosos, nuestros ríos más vivos, sumergiendo en un eterno atardecer la riqueza natural que desde siempre ha dado nombre a Galicia. Tres días después sigue lloviendo ceniza. No hay cielo.

El sol parece empeñado en salir de noche y quema el aire. Entre algunos cohetes inadmisibles y gaitas y fiestas y turistas y playas esbordadas y atascos... fluyen nubes de humo del suelo. Anuncian la tragedia en la montaña. Borran del paisaje la silueta de unos árboles que hasta ayer coronaban estas
rías. Mientras, crepitan otras hojas al son de la desolación, lloran los animales y
los niños sueñan que el marse levanta y se bate en duelo con su pesadilla. Por fin han empezado a sonar nuevos motores cargados de esperanza, pero las llamas han legado demasiado lejos en esta ocasión, y agosto se ha convertido ya en un mes negro
para Galicia. Dónde está la lluvia. Y dónde la cordura. Qué ha sido de los árboles
que abrigarán el futuro de nuestros hijos... Sangra la luna. Llorará, otra vez, esta
noche lágrimas secas.


NOTA FINAL: NINGUNHA DAS FOTOS CORRESPONDE Ó ARTIGO DE MARÍA VARELA. Foron extraídas do xornal Faro de Vigo

lunes, 7 de agosto de 2006

** Incendiario: un animal a extinguir


Sanxenxo, como o resto de Galicia, viviu este domingo e luns rodeado de chamas. Non é a primeira vez. Outros anos xa arderon os montes. A diferencia deste ano é que moitas persoas pasaron angustiosas horas. O lume estivo a punto de queimar moitas casas e, incluso, varias persoas poideron morrer. Todo isto baixo unha alarmante descoordinación de Concello, Diputación, Xunta e Goberno Central. O fume e a calor dos incendios non cesou na Ría de Pontevedra, e fíxeronse os donos dun ceo incendiado coma os bosques e as casas...


Non me gusta a política, nunca me gustou. Non obstante, hoxe vou falar dous párrafos da hiprocresía destes suxeitos. Tódolos políticos teñen culpa do que está a pasar hoxe, o ano pasado, hai dous anos, etc.etc.: PP, PSOE, BNG., incluso houbo quen criticou o que agora critico eu. Pero hai algún partido político que leva o seu cinismo ata estresmos insospetidos e fai da “oposición” unha oposición permanente a todo, so co obxectivo de gañar votos a nivel político. Non se dan conta que cando gobernaron eles tamén tiñeron numerosos incendios. Non nos enganemos, tódolos verán desde hai bastantes anos ARDE GALICIA.

E sinal de que non me gustan os polítcos é que os mesmos que gobernan agora, cando estaban na “oposición” criticábanlle ó goberno de turno, o mesmo que agora eles fan mal. Total, que gobernen uns ou gobernen outros, ningúen é quen de parar con estes incendios. Todos se botan os trastos á cabeza. So lles interesa gañar votos a calquera prezo co fin de voltar a gobernar no futuro.


>>>Voltando ó tema en si: os incendios. Hai que tomar verdadeiras medidas cos PIROMANOS. Hai que animar á xente a que denuncia, a poder ser de forma anónima, a pesar do que iso pode conlevar. A xente non se quere mollar, especialmente nos pobos, onde todo o mundo coñece a todo o mundo, pero unha denuncia con nome e apelidos pode conlevar consecuencias para o denunciante en forma de ameazas…….

Non se pode seguir permitindo que uns MALNACIDOS sigan campando ás súas anchas, sen importar que se queimen montes e bosques, co perigo que iso conleva para a naturaza e a vida mesma. E tamén para as vidas humanas. Esta fin de semana morreron tres persoas por culpa de dous incendios en Cerdedo e Campolameiro. ¿Poderán durmir tranquilos os que prenderon os lumes? Non me estrañaría que sí, porque se son capaces de prendelo, sabe Deus de que máis son capaces. A estas persoas o nome de PERSOAS quédalles moi moi grande. DICIR ANIMAIS E ALGO SUAVE. Os animais son mellares seres vivos que estes indesexables MALNACIDOS.


Os políticos deberían ter claro dunha vez por todas que máis do 90% dos incendios son provocados e estudiar cales son os MOTIVOS polos que actúan os PIRÓMANOS. Creo que teriamos que investigar quen anima a estas persoas a facer o que fan. Non me creo que haixa locos que actúan solos en toda Galicia e prenden máis de 100 lumes nun fin de semana en GALICIA. E en cada incendio hai varios focos de incendio. Vamos señores polítcos, fiscais e xuíces, róllense dunha vez. Investiguen cales son os motivos polo que pasa todo e que oscuro intereses se agachan e quen os promove. Dame que ten que ser alguén moi poderoso.

Outra cousa a ter en conta é que Galicia, Portugal e Cataluña son das zonas onde máis monte se queima. Tódolos anos desde xa hai uns cantos. Galicia e Norte de Portugal. ¿Son zonas estratégicas por algún tipo de interés económico? ¿A quen pode beneficiar todos estes incendios? ¿quen pode sacar tallada con isto? Apunten alto e ó mellor atopan persoas ou empresas metidas no allo, que persiguen algún tipo de interés económico e que pondera ser que lles pagan ós pringados de turno para que fagan arder montes e bosques. É unha suposición.



>>>Voltando ós incendios. Este é o ano no que máis ataca ás casas na maioría dos incendios ¿Non é moita casualidade xunta?. INVESTIGUEN BEN. O que non pode ser é que haxa tan poucos medios que de non ser polos propios afectados moitas máis casas x aterían ardido nas chamas. Porque os bombeiros e os servicios de antiincendios non dan abasto. Amais vese unha profunda desorganización interna. Non pode ser que chames ós bombeiros cando está a punto de arder unha casa e veñan ó cabo dunha hora. Claro que hai moitos incendios, pero haberá que priorizar aqueles que teñen casas en perigo. Este fin de semana vin cousas incribles e criterios de actuación algo errados por ser suave. ¿De quen é a culpa? Apaguen incendios e logo depuren responsabilidades. Iso si, non se pasen a pelota duns partidos polítcos a outros, porque cando gobernaron uns e outros (e xa pasaron os tres grupos polítcos polo goberno ou pola vicepresidencia) houbo moitos moitos incendios.



Por certo, ó mellor tampouco convén alardear que o mes pasado houbo a metade de incendios que o ano pasado. Ó mellor o que facemos é MOTIVAR ÓS PIRÓMANOS, inconscientemente. Quen sabe.

Canto sufrimento, cantas mortes de inocentes, por culpa de tantos CRIMINAIS E HOMICIDAS que se adican a prender INTENCIONADAMENTE INCENDIOS....

Por cero, ínclitos PIRÓMANOS, aplíquense o dito popular que di que “a quen ferro mata, a ferro morre”. Lástima que os que morran non sexan os que prenden o lume e paguen xustos por pecadores…..

jueves, 3 de agosto de 2006

** A face-lo Agosto




...E nunca mellor dito. Estamos no verán, e xa se sabe que festa por aquí, festa por alá. E entre todas elas unha maioría delas son gastronómicas. Para tódolos gustos e colores. Este fin de semana, sen ir máis lonxe podemos atoparnos cunhas cantas. Imos ver. Aquí en Sanxenxo temos a 7ª festa de productos galegos en Montalvo. Pero hai moitas máis. Pero hai moitas máis. Vexamos:(...)

Para continuar se nos desprazasmos un pouco, atopámonos nada máis e nada menos que coa Festa do Albariño en Cambados. Seguindo a Ría de Arousa, uns kms máis alá, na Illa de Arousa celébrase a Festa do Mexillón. E para completar o percorrido, se nos acercamos a Catoira o domingo, podemos disfrutar coa recreación do ataque vikingo nas famosas Torres de Catoira.


E seguro que hai máis na Comarca do Salnés, que agora se me escapan á memoria. E xa non digo no resto da provincia de Pontevedra ou, aínda máis, no resto de Galicia.

Festas para dar e tomar nun verán un tanto tolo tolo.

Sexa como fose, pasádeo ben, pero sen pasarvos da raia.

Carpe Diem (goza de este día)